بدع و جواب بين هاني دعكيك وابو هاني الكثيري احداث سيئون 23/05/2014

بدع و جواب جمعني مع الشاعر المعروف ابو هاني الكثيري
يتحدث عن احداث سيئون الداميه يوم الامس 23/05/2014
:
:
هاني دعكيك :
----------------
:
يا صاحبــي قـالـوا صحـــــــاب القــاعده
دخلـوا الى سيئون في الليــل الظليــم
:
دخلـــوا و خلـــوا النــــار فيـــها واقـــده
تحـرق صحــاب اﻻمن و الفكـــر السليم
:
مـش فـي محــل واحــد اماكـــن واجده
كــل مـن لحــق مخلــوق بايلقيه صيــم
:
جــابــوا القلــق للناس لـي هــي راقده
بالله قـُـل لِي كيــف نــا شعبـــي ينيــم
:
يا رب لطفـــك ع البــــــلاد العـــــــــابده
احفــظ لنــا سيئــون و الغنـــاء تريــــــم
:
واحفـــظ بلــد لحقــاف مـــن كــل وارده
لي يُوهَمُــون الطفـــل هــذاك الغشيـم
:
بانـــه اذا نفـــــذ اوامــــــــــر قــــــــايده
شهيــد ؟ با يدخـــل لجنــــات النعيــــم
:
هذا غلــــــط ؟؟ للنـــار نفسه خــــالده
تحرقه ما بيجي الصـــــــراط المستقيم
:
يا من غــَروك اهــل العقــول الجــــاحده
ارجــع و قــــــل استغفـــر الله العظيــم
:
هــــــــذا كلامــي الــوارده و الشـــارده
منـك .. و ع كــل ســـين رد لِيـا بجيــم
:
:
آبوهاني الكثيري:
------------------
:
يا مرحبـــا بابيـــات وصلــت وافـــــــــده
هاني ولــد دعكيـــك بالعقـل السليـــم
:
يسئل على سيئون يبغـــــى الفــــايده
ع لي حصل بالامس من وسط الصميم
:
قبــل الحــد عشــر و الطويـــــله واهده
سيئون محـــلاهــا كمــا سكــر وليـــم
:
و بعـــدها دخلـــو صحـــاب القــــــاعده
قـالـوا نعيـــد الــدين ع النهـــــج القديم
:
قتلـــوا رجـــال الامـن بانفــس بــــارده
من بعــد ماتفقــوا مــع ابليـس الرجيم
:
صـــوت المدافـــع تحسبــــوها راعـــده
والصـــوت تبلــغ من مـدى القــوه تريم
:
و الله لـولا نـاس ركــــع ســـــــــــاجده
يدعــــون رب الكـــون الفـــرد الحليـــم
:
لا مســت بلاد الخــير غبـــرا خـــامده
و ديــار مسكـــونه كمـا لقمـه وصيـــم
:
معنــا كتـــاب الله و سنه شـــــــاهده
القتــل في الاديــان حــرّمـه الحكيــم
:
و اليـوم يا اخـــوان ســِـنه ســــــايده
الـدين قال الشيخ ؟ و الشيخ الغشيم
:
و اهــل السياسه همهم في المـاده
و لعاد شي داعــي تلقي سين جيم