بدع و جواب هاني دعكيك و محمد دعكيك

مساجله بدع و جواب بيني انا و الشاعر / هاني سالمين دعكيك

نرجوا ان تنال اعجابكم

قال /هاني دعكيك :
..........................
يا صاحبي اشكيت من جـــور الزمــن
شكــوى كبــيره مـا تحملــها الفـــؤاد

اشكيــــت و اتالمــت ع بعــد الوطــن
و الاهــل و الخــلان فــي كمـــين واد

طال السفر و القلب عايش في سهن
و لعاد تحقق لـــي طلابــي و المــراد

و ان جــيت باتكلـــم و بعلنـها علــــن
قالــوا صــبر ع الهجـــر هــذا و البعــاد

قلت الصبر فيني نفـذ يا حســـن ضن
لا يومنا في الحـر و انتـــــم في البراد

با سـافــر ابـلادي و بلقـي لي سكن
في وسط بـدره او سكن داخل سعاد
~~~~~~~~~~~~~~~~~~~~~

قال/ محمد دعكيك :
...........................
يا ولد عمـي شـوق لك باربــع عــيّن
لا كننــا مـا بــاك ترجـــــع للانـــــكاد

عادك صبر ع ذي المشاكل و المـحن
خافك تنال البيـض من بعــد الســواد

شفنا في ابــلادي كما ذلق المسن
تعبـــان و منكــد فــي الدنيــا نـــكاد

و عشقتها و الكير في جوفي رشـن
و النــار لـي ولعتــها صبحــت رمــاد
~~~~~~~~~~~~~~~~~~~~
هاني دعكيـك
محمد دعكيك