هاني دعكيك
المساهمات : 173 تاريخ التسجيل : 21/09/2012
| موضوع: بدع الشاعر هاني دعكيك وجواب الشاعر ابراهيم البطاطي الجمعة مارس 13, 2015 12:03 am | |
| بدع و جواب جمعني مع اخي ابراهيـــــم البطاطي ابو اياد مع بدايه تطبيق المرحله الثانيه من تصحيح اوضاع العماله والحملات في المملكه العربيه السعوديه ! نرجــو ان ينال اعجابكم و رضاكم ! ! هاني دعكيك: --------------- ايش اخباركــــم ياهــل المدينــــه و جده بعد ما ضاقت الدنيــــا عليكـــــو الوسيعه ! قالــوا الوضـــــع متــوتــر و قــــد زاد حده والمهرب يهـــرب من حـــــــــدود الوديعه ! وعنـدنـا قد لقــو حمــــلات شـده و عـده و الصوالــين مليــانه و لنفــــــس وجيـعه ! من يخالـــف نظام الممـــلكه قــام ضـده جندي اﻻمـن طبـــق سنــته والشــريعه ! ! ابراهيم البطاطي: ------------------- لادعيتك حضر شـــل زرف يالهجــس وده سابق الوقت و صـوالين لكـــزس سريعه ! حالنـــا مثلكــم ع لقمــة العيـــــش هده و المكافـــح يكافــح و النهــــــايه شنيعه ! و المفاتيـــح شلـــــوها و ع الـــدار سده قفلــوها و بـاعـــوا قفلـــــها الــف بيـــعه ! نصطبـــح هــم ! و غـــدانا نكـــد والموده في بلادي على راس الحصـــون المنيعه ! رب يـا رب عـــدلـــــها بقــــــرحــــه ورده طاعنـــا الوقــت و لآ بالكلـــــف بانطيــعه ! ! هاني دعكيك: --------------- صاحبـي مابغاني عيـــش فـ اﻻرض عنده قد كرهنــــي و سبر بالجفــــاء والقطيعه ! يوم مانـي نظامــي جــاب طقمه و جنده فـ الملز و الشفـــاء لـوداي لبـن و البديعه ! كننــي ما رثـــــــي اﻻ لمـن مــــات جده والمجاهيل لي هم غيــروا فــي الطبيعه ! ﻻ لقـــوا منهــم واحـــــــد يربطـــــون يده بالسلاسـل كـآن عنــــــده قضــايآ مريعه ! ! ابراهيم البطاطي: ------------------- قل لدعكيـــك حــط الراس فــوق المخده نـم مرتـــاح لتشل حمـــل مــا تستطيعه ! من يــوّدك بكل معـــــــروف بالمثـــل وده لا تقطــع حبــــال الــود خلـــــــــها ذريعه ! المصالــح تحمــل ادمــــــي فـــــوق قده يحسب اليوم لاجل المصلحه زي سويعه ! كل مخلـــوق يتكــي ع كــــــراعه و زنده لا انتها الصيف يحسب للشتا مع صقيعه ! ! ! مع خالص تحياتنا لكم 11/03/2015م . | |
|