الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت
الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت
الدان و الشعر الشعبي بوادي حضرموت
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى يختص بالدان والشعر الشعبي بوادي حضرموت
 
الرئيسيةالبوابةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» قصيده (ضاقت علي المملكه والشغل ماله قابليه) للشاعر هاني دعكيك
بدع و جواب في قروب خرج ذا فصل و الثاني مع نخبه من شعراء حضرموت I_icon_minitimeالإثنين فبراير 06, 2017 12:16 am من طرف هاني دعكيك

» قصيدة ( يامن تخاطبني بنبرات العتب ) للشاعر هاني دعكيك
بدع و جواب في قروب خرج ذا فصل و الثاني مع نخبه من شعراء حضرموت I_icon_minitimeالإثنين فبراير 06, 2017 12:08 am من طرف هاني دعكيك

» قصيده ( خسرت الرهان ) للشاعر هاني دعكيك
بدع و جواب في قروب خرج ذا فصل و الثاني مع نخبه من شعراء حضرموت I_icon_minitimeالخميس يناير 26, 2017 10:26 pm من طرف هاني دعكيك

» قصيده مشاركه في تخرج طلاب المعهد الوطني للعلوم الاداريه بحضرموت) كلمات هاني دعكيك
بدع و جواب في قروب خرج ذا فصل و الثاني مع نخبه من شعراء حضرموت I_icon_minitimeالخميس يناير 26, 2017 10:22 pm من طرف هاني دعكيك

» قصيده ( خطة جون كيري) للشاعر هاني دعكيك
بدع و جواب في قروب خرج ذا فصل و الثاني مع نخبه من شعراء حضرموت I_icon_minitimeالخميس يناير 26, 2017 10:16 pm من طرف هاني دعكيك

» قصيده ( اليمن بين الحرب والهدنه) للشاعر هاني دعكيك
بدع و جواب في قروب خرج ذا فصل و الثاني مع نخبه من شعراء حضرموت I_icon_minitimeالخميس يناير 26, 2017 10:13 pm من طرف هاني دعكيك

» قصيده( رثى في المرحوم له باذن الله فايز مسلم بن وبر) كلمات هاني دعكيك
بدع و جواب في قروب خرج ذا فصل و الثاني مع نخبه من شعراء حضرموت I_icon_minitimeالخميس يناير 26, 2017 10:08 pm من طرف هاني دعكيك

» قصيده ( الله يستر شو العروبه تنتحر ) للشاعر هاني دعكيك
بدع و جواب في قروب خرج ذا فصل و الثاني مع نخبه من شعراء حضرموت I_icon_minitimeالخميس يناير 26, 2017 10:05 pm من طرف هاني دعكيك

» قصيده ( تفجير الصولبان ) للشاعر هاني دعكيك
بدع و جواب في قروب خرج ذا فصل و الثاني مع نخبه من شعراء حضرموت I_icon_minitimeالخميس يناير 26, 2017 10:02 pm من طرف هاني دعكيك

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

 

 بدع و جواب في قروب خرج ذا فصل و الثاني مع نخبه من شعراء حضرموت

اذهب الى الأسفل 
كاتب الموضوعرسالة
هاني دعكيك




المساهمات : 173
تاريخ التسجيل : 21/09/2012

بدع و جواب في قروب خرج ذا فصل و الثاني مع نخبه من شعراء حضرموت Empty
مُساهمةموضوع: بدع و جواب في قروب خرج ذا فصل و الثاني مع نخبه من شعراء حضرموت   بدع و جواب في قروب خرج ذا فصل و الثاني مع نخبه من شعراء حضرموت I_icon_minitimeالإثنين مايو 12, 2014 9:55 pm

مساجله في قروب خرج ذا فصل والثاني تاريخ 11/05/2014


هاني دعكيك :
---------------

يا ذا خرج فصل و الثاني بقروبكم طابت السمره
قصدو و غنو بصوت الدان
فنان كل حضرمي فنااااان
:
في جبركم قل لبو هاني باسير في ضو او غدره
و الوعد بيكون في شعبان
فنان كل حضرمي فنااااان

آبوهاني الكثيري:
-----------------

ياحيها اقوال من هاني لي تذهب الضيق والكدره
بعطيه كبتن مع قبطان
فنان كل حضرمي فنان


هاني دعكيك :
---------------

مصرور يا قرش حناني بين الذهب ما نزل سعره
مابغيت سعره ابد يهتان
فنان كل حضرمي فنان
:
ما بغيت حاسد وﻻ شاني يوصلك يا عالي الشهره
مطلبي قولو لبو سلطان
فنان كل حضرمي فنان


آبوهاني الكثيري:
-----------------

اليوم في الجول قد جاني لقو على امنهم عكره
وتقسمو ارباعها وثمان
فنان كل حضرمي فنان


هاني دعكيك :
---------------

ملعون من طاع شيطاني خرب في اشبامنا الصفره
نكد على قوم بن علوان
فنان كل حضرمي فنان
:
له يوم يآتيه ياخواني من ربنا با تجي قدره
لو كان حتى ميه ما كان
فنان كل حضرمي فنان


آبوهاني الكثيري:
-----------------

باشل عفشي وسيماني ماباك ياوحدة. الصقره
لاحد يقولي انا غلطان
فنان كل حضرمي فنان


سالم باتيس:
-------------

وسلام من على اخواني.ذي هم معانا في السمره
هاني وبوهاني الغيان
فنان كل حضرمي فنان
:
من ذي نشوفه من زماني.شيب براسي في الصغره
ودق لحمي مع العظمان
فنان كل حضرمي فنان


هاني دعكيك :
---------------

قد شل رطلي و ميزاني ويقولي عيشتك مره
قولو لسالم ولد سنحان
فنان كل حضرمي فنان
:
حاجات ماهي فحسباني لقو بهاني ميه كسره
ما ينكرو الزور و البهتان
فنان كل حضرمي فنان


آبوهاني الكثيري:
-----------------

لو كان يمشون في الساني ماعندهم ليه ولا عصره
بايرجع الرطل لي اطنان
فنان كل حضرمي فنان


علي الحامد:
-------------

مرحيب يا شهد جرداني مجناه من علب والسمره
معروف ياشهد من جردان
فنان كل حضرمي فنان
:
وسلام قحطاني وعدناني من ارض الاحقاف جو دفره
كنده و حمير وحد سيبان
فنان كل حضرمي فنان


سالم باتيس:
-------------

ياسنح جنبي وياكناني عليك قد دارة القدره
والنار قد كيرها رشان
فنان كل حضرمي فنان


آبوهاني الكثيري:
-----------------

حيو ابو طالب بالطناني لي زاد عالسيط والشهره
يشبه بغيه عسل جردان
فنان كل حضرمي فنان


علي الحامد:
-------------

همدان باقول همداني ونعمان ذي توفي الكسره
ما خاف من هو زبن نعمان
فنان كل حضرمي فنان


سالم حسنون:
---------------

سلام عا جمع رحماني كم جيد مايختلف عذره
يالله بعودات يارحمان
فنان كل حضرمي فنان


هاني دعكيك :
---------------

ماصار يا ناس اغثاني ياريت شي عندكم فكره
نلقي مضلع مع جهيمان
فنان كل حضرمي فنان
:
يا سالم البعد اعياني والعقل شوفه على الشعره
ودي بعوده الى لوطان
فنان كل حضرمي فنان


آبوهاني الكثيري:
-----------------

لسفار شفها كماالضاني ماتقرب التيس في بدره
وش جاك نرضي بلجم الضان
فنان كل حضرمي فنان


سالم باتيس:
-------------

حياك يانسل عدناني ياطيب الفال والعشره
انتو الحبايب مدى لزمان
فنان كل حضرمي فنان


هاني دعكيك :
---------------

لسفار قد هدت اكياني كل يوم تخنق لي العبره
ودموع عيني كما المعيان
فنان كل حضرمي فنان


علي الحامد:
-------------

يا وعل حليت ودياني حامل ثمانين كم عجره
وش جاك حليت ذا الودبان
فنان كل حضرمي فنان


سالم باتيس:
--------------

شكواك لله ياهاني عسى السنه تصلح السفره
و تعــود بالخير للاوطان
فنان كل حضرمي فنان


محمد باواكد بوسلطان :
-----------------------

مشكور يا صاحبي هاني ياصاحب العقل و الفكره
جمعت ليسر مع ليمان
فنان كل حضرمي فنان
:
بانخزي الحاسد الشاني في سعفكم با سرح بكره
نبغا نحرر جبل شمسان
فنان كل حضرمي فنان


هاني دعكيك :
---------------

ذا وعل يالهاشمي حاني ودي بشوفه ولو مره
محلى قوامه غصين البان
فنان كل حضرمـــي فنان
:
بشكي الى الله سبحاني لي بامر الغيث و المطره
ماخاب من قال ياسبحان
فنان كل حضرمــي فنان


علي الحامد:
-------------

في ارضنا عيشنا هاني الحزب غيره له ودره
قد جاب لحمر مع سنحان
فنان كل حضرمي فنان


محمد باواكد بوسلطان :
------------------------

باواكد ايقول تعباني من صاحبي لي عمد قبره
يحرق على الجوف بالنيران
فنان كل حضرمي فنان


هاني دعكيك :
---------------

قد جابه العود للباني الحزب والساس و المدره
لكن ما قـــّـوم العمدان
فنان كل حضرمي فنان


سالم حسنون:
---------------

نفحس يساري على ايماني والصبر في داخلي فطره
والصبر من قوة الايمان
فنان كل حضرمي فنان


هاني دعكيك :
---------------

بالصبر تحقيق ﻻماني ماخاب كل من ذبل صبره
قولو لسالم مدى لزمان
فنان كل حضرمي فنان


علي الحامد:
-------------

وينه مغنيك يا هاني عنتر يشل صوت للسهره
ضيفوه بالحال هو والان
فنان كل حضرمي فنان


هاني دعكيك :
---------------

مشغول عنتر معه عاني بيناقش الوضع بالمهره
من شان ترجع على العدان
فنان كل حضرمي فنان


سالم باتيس:
-------------

قولوا لبن هاشم الباني قد عوج الساس والستره
ولاعاد قامت له الاركان
فنان كل حضرمي فنان


علي الحامد:
-------------

النوم قد فارق اعياني مهموم من طيش والسكره
ماهي شريعة ولا ايمان
فنان كل حضرمي فنان


سالم حسنون:
---------------

مافاد في الحب برهاني ونا الذي كان لي شهره
كل شي نبركه بالبرهان
فنان كل حضرمي فنان


سالم باتيس:
-------------

الموت في غث وسماني مايكفي الراس والعشره
واللحم قسمه على لثمان
فنان كل حضرمي فنان


علي الحامد:
-------------

يالواثق با غلظ ايماني والصدق بدخله للحضره
مغروم ذي قاد بالجيلان
فنان كل حضرمي فنان


هاني دعكيك :
----------------

للحب ياخوي بركاني مخلوط خيره مع شره
كل يوم يتفجر البركان
فنان كل حضرمي فنان


علي الحامد:
-------------

حيوان ما قول حيواني في جول مسحه لقا قصره
منزوع دينه مع الايمان
فنان كل حضرمي فنان
:
القتل قربان شيطاني بري هو يضويه لا قبره
من غير تهمه ولا برهان
فنان كل حضرمي فنان


سالم باتيس:
-------------

لاجيت بالصدق ماجاني ذي يحفظ العهد والعشره
خاين ولد خاين وجده خان
فنان كل الحضرمي فنان


هاني دعكيك :
---------------

من بعد مامات حساني ذاك الملك وانحفر قبره
ضاع الامل في بلد قحطان
فنان كل حضرمي فنان
:
والقاعده شرهم داني يرمون كل غصن به زهره
وخربو الزهر في البستان
فنان كل حضرمي فنان


سالم حسنون:
---------------

ودي بهم متع اعياني وطفي الشوق والحسره
واورد على النهر والمعيان
فنان كل حضرمي فنان
:
كلين خده على الثاني وذوق من شهد في ثغره
وحط ركاني مع لوثان
فنان كل حضرمي فنان


علي الحامد:
-------------

بالدحن والطعن تعناني ورجال ذي تعرف الاثره
نطرده من ارضنا حمسان
فنان كل حضرمي فنان
:
والغدر يارب تحماني حيشى علي خين في الخبره
من خــان يا ربنا لا كان
فنان كل حضرمي فنان


محمد باواكد بوسلطان
-----------------------

باواكد ايقول يخواني نبغا كلم تصلح السمره
خلو الهدد داخل الميدان
فنان كل حضرمي فنان
:
في العشق قصدو كما هاني خلو السياسه لها ودره
كلن يقرب عسل جردان
فنان كل حضرمي فنان


هاني دعكيك :
---------------

ياسالم النار تكواني بالعشق ننحت في الصخره
والنجم غيب ولبعد بان
فنان كل حضرمي فنان


سالم حسنون:
---------------

اللحم ذي فوق عظماني ماعاد شي يابهي الغره
مسكين نا جلد عا عظمان
فنان كل حضرمي فنان


علي الحامد:
-------------

في العشق لاصب معياني لاني محب باهي الغره
ذي ماشبيهه في البلدان
فنان كل حضرمي فنان


محمد باواكد بوسلطان
-----------------------

من حب مخلوق بيعاني لا قرب الوقت و السفره
تمسي دموعه كما المعيان
فنان كل حضرمي فنان


سالم باتيس:
-------------

ماحد في الوفت ذا ساني والدهر يدرج على عجره
والله علم ويش بعد الان
فنان كل حضرمي فنان


علي الحامد:
-------------

با اعطيه لولي ومرجاني والماس كل فص وش كبره
والتبر من مصوغة حسان
فنان كل حضرمي فنان


سالم باتيس:
-------------

مايحرك الشوق وجداني من ذي نشوفه في النشره
والزور واجد مع البهتان
فنان كل حضرمي فنان


محمد باواكد بوسلطان
-----------------------

سرحت من عندي العاني يسئل على الزين والقمره
ويرجع بسرعه لبو سلطان
فنان كل حضرمي فنان


علي الحامد:
-------------

مبسمه بارقه رشاني والليم با اقطفه من نحره
با اوكل سفرجل وشئ رمان
فنان كل حضرمي فنان
:
يا واثق الهم اضناني احسنت عشره على عشره
ماشي يفرح في الاعيان
فنان كل حضرمي فنان


هاني دعكيك :
---------------

العذر مشوار نا جاني مشغول مع ناس يالحضره
وﻻ سمركم كما المرجان
فنان كل حضرمي فنان


سالم باتيس:
------------

العفو بالله ياخواني بطلع ضروري من السمره
بطلع وانا للسمر ولهان
فنان كل حضرمي فنان


محمد باواكد بوسلطان
---------------------

كل من طلع ودعت ساني و الوعد ما بيننا بكره
والعفو مطلوب يا لخوان
فنان كل حضرمي فنان


آبوزايد وليد قرطب:
-------------------

والزين ذا اليوم ما جاني مدري وحالي قصر وطره
كنه عليه تقل له شان
فنان كل حضرمي فنان
:
طابت ولا طابت الحاني من حلقي اللي تقل شفره
غير عليه وزن ولاحان
فنان كل حضرمي فنان
الرجوع الى أعلى الصفحة اذهب الى الأسفل
 
بدع و جواب في قروب خرج ذا فصل و الثاني مع نخبه من شعراء حضرموت
الرجوع الى أعلى الصفحة 
صفحة 1 من اصل 1
 مواضيع مماثلة
-
» مساجله في قروب خرج ذا فصل و الثاني
» المعمور و نخبه من اجمل الشعار
» قصيده ( اتكاتفو من شان تحيا حضرموت ) للشاعر هاني دعكيك
» بدع و جواب هاني دعكيك و محمد قصعان احداث صنعاء 21 /09/2014
» بدع و جواب بين هاني دعكيك وابو هاني الكثيري احداث سيئون 23/05/2014

صلاحيات هذا المنتدى:لاتستطيع الرد على المواضيع في هذا المنتدى
الدان و الشعر الشعبي بوادي حضرموت :: اقسام منتدى الدان والشعر :: قسم فصول المساجلات-
انتقل الى: