قصيده ( بعض القول لا جاني منظم ) للشاعر هاني دعكيك

قال بن دعكيك بعض القول لا جاني منظـــم
يجعل الهاجس يسري حيث ما وده يســري

جت قوافي وافيه بالصــدق والواقــع تكلــــم
رحبو به حيث ماقد سار فــي نجدي وبحري

قال قامت في بلد لحقـــــاف ثـورات الملثــم
قاعده تقتل و تشرد آآه يا ضيمي وقهـــــري

يقتلــون الا البري و المتـــهم دمـه محـــــرم
في شريعه هم لقوها آآه ياكبدي وصــــدري

من يعارضهم يلقوا له قـد تهـــدم ما تقــــدم
عذرهم جاهز و نا يانـــــاس ماحصلت عذري

هكذا و الدور عاده جاي ع ضابـــــط و فنــدم
و المشايخ و المعلم بايجيهم امر قســــــري

كم و كم قد مات من شعبي وكم والله اعلم
عادهم في القايمه و الدور بيجيـهم مســري

شيخنا قتلــــــوه و السيد و حبريـش المقدم
سعد و اصحـــابه ثلاثه بعدهم قـد مل صبري

قامت الهبه و قام الشعب و القــات المسمم
مادخل في سعف هبتنا تراء ذا امــــــر مزري

يا صحاب المجد و الهبه بغينا امر ملــــــــــزم
نمنع الشجره لبو طارق و بودرهـــم و عمري

وانها هبه بفلخت قات يالقــــــــــرص المختم
با يآكلك الـذر و انتــا قال بن دعكيـــــك تدري

ذا كلامي و السموحه . المنجـــــــم يوم نجم
قال لي لحقاف باترجع وهذا هــــــرج حصري

واختم اقوالي بذكر المصطفـــى صلي وسلم
ع النبي من قبل مانوضع وسط لحدي وقبري

هاني دعكيك
01/03/2014