الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت


منتدى يختص بالدان والشعر الشعبي بوادي حضرموت
 
الرئيسيةالبوابةاليوميةس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» قصيده (ضاقت علي المملكه والشغل ماله قابليه) للشاعر هاني دعكيك
الإثنين فبراير 06, 2017 12:16 am من طرف هاني دعكيك

» قصيدة ( يامن تخاطبني بنبرات العتب ) للشاعر هاني دعكيك
الإثنين فبراير 06, 2017 12:08 am من طرف هاني دعكيك

» قصيده ( خسرت الرهان ) للشاعر هاني دعكيك
الخميس يناير 26, 2017 10:26 pm من طرف هاني دعكيك

» قصيده مشاركه في تخرج طلاب المعهد الوطني للعلوم الاداريه بحضرموت) كلمات هاني دعكيك
الخميس يناير 26, 2017 10:22 pm من طرف هاني دعكيك

» قصيده ( خطة جون كيري) للشاعر هاني دعكيك
الخميس يناير 26, 2017 10:16 pm من طرف هاني دعكيك

» قصيده ( اليمن بين الحرب والهدنه) للشاعر هاني دعكيك
الخميس يناير 26, 2017 10:13 pm من طرف هاني دعكيك

» قصيده( رثى في المرحوم له باذن الله فايز مسلم بن وبر) كلمات هاني دعكيك
الخميس يناير 26, 2017 10:08 pm من طرف هاني دعكيك

» قصيده ( الله يستر شو العروبه تنتحر ) للشاعر هاني دعكيك
الخميس يناير 26, 2017 10:05 pm من طرف هاني دعكيك

» قصيده ( تفجير الصولبان ) للشاعر هاني دعكيك
الخميس يناير 26, 2017 10:02 pm من طرف هاني دعكيك

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 فصل للشاعر مجمل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هاني دعكيك



المساهمات : 173
تاريخ التسجيل : 21/09/2012

مُساهمةموضوع: فصل للشاعر مجمل    الأحد أكتوبر 28, 2012 12:54 am

قصائد منقوله من مجموعه الدان و الشعر الشعبي بوادي حضرموت

فصل للشاعر مجمل:
.........................
العسل انواااع عند اهـــل العسل
وافضـل الانواااع يضــــرب به مثل
البغيه ذي من اشــــذاب العلووب
الـدواء القطاع ذي يشفي القلوب


هاني دعكيك :
....................
مرحبـــا شـاعــــر كلامه مرتجل
يوصف الا الزين في هذا المحـل
و من وصوفه و النبي ما با نتـوب
الدواء القطاع ذي يشفي القلوب

يا البغيه ما نبــدل بك بـــــــــدل
قال بن دعكيــــــك صيطك لايزل
يغزي العالم شماله و الجنــــوب
الدواء القطاع ذي يشفي القلوب


سالم حسنون :
......................
مرحبـــا بابيات جتني في عجـل
يا مجمل قولكم عندي وصــــــل
لي يداوي في فؤادي الف صـوب
الدواء القطاع ذي يشفي القلوب


الشاعر مجمل :
......................
مرحبــا مـا دام هاني قد دخـــل
و جنبـه الصمصوم سالم قد زقل
صـــوته يزوع قال شاعر باللصوب
الدواء القطاع ذي يشفي القلوب


سالم حسنون :
......................
في العشــق يضـرب بنا اكبر مثــل
ياعمر خلصت في العشق الوســل
شوف سالم في الهوى قلبه يذوب
الدواء القطاع ذي يشفي القلـــوب

لا ذكــرت الخــل دمــع العــين هل
من سباب البعد شف عظمي رقل
آه يالصحـــاب تصلاني لهـــــوووب
الدواء القطاع ذي يشفي القلــوب


هاني دعكيك :
....................
لا تلـومــوني اذا عظمـــــــي رقل
عيشه الغــــــربه تصيبـــه بالملل
من شروق الشمس لمان الغروب
الدواء القطاع ذي يشفي القلــوب

قلب بن دعكيك في العشق انقتل
في الزمن يشكي مقاطيـع العمل
دائما يشكي و في الدنيا تعـــوب
الدواء القطاع ذي يشفي القلـوب


الشاعر مجمل :
......................
مكتــوب نتشتت كــــذا بين الدول
يمكن تحصل حضرمي داخل زحـل
و لادرينــا ايـش سوينـــا ذنـــــوب
الدواء القطاع ذي يشفي القلــوب


هاني دعكيك :
....................
ما درينــــــــا وين قــد صار الخلل
يا مجمــل الجبـل ينطح جبـــــــل
و المطــر صبـاب في اطار الطهوب
الــدواء القطاع ذي يشفي القلوب


سالم حسنون :
......................
القنــع ما تعــرفه يا ذا البـــــــطل
خبخبه فاضــي و لا نلقـــي عمل
شي معاكم حــل ياخــير الصحوب
الدواء القطاع ذي يشفي القلـــوب


الشاعر مجمل :
......................
با تقــع هملات لا شفته رســــل
يسقي الحـرثـان ذي حبوا الحجل
و با نحقق امنيــه بـين الشعـــوب
الدواء القطاع ذي يشفي القلــوب


هاني دعكيك :
....................
القنـاعه ما يحصلـــــها الهبــــــل
و الهبـــل ما يوم يا ســــالم عقل
و الحقيقه اخت لامــات الكــــذوب
الدواء القطاع ذي يشفي القلــوب


الشاعر مجمل :
......................
با نبــذ خــيره يحــط و الا يشـــل
ان يبا النامـــــوس بسقيه الجفـل
وان رفض عندي مخاشب للصلوب
الدواء القطاع ذي يشفي القلــوب

دخلـــو لوادي العشق باحط الحلل
واسقوني السموار شاهي بوجبل
القلب متولع و لا هــــــم الشيوب
الدواء القطاع ذي يشفي القلوووب


سالم حسنون :
......................
هيــج بامــردوف عاده ما اعتقــــل
صاحبه خلاه يرعـــــــى في همل
يوم في هينن وساعه في نقوووب
الدواء القطاع ذي يشفي القلـــوب

و الدواسر لي يشلين الثــــــــقل
قــالن الاثــقال ذي ما تحتمــــــل
شي نذبحهن وشي نلقي ركـوب
الدواء القطاع ذي يشفي القلـــوب


هاني دعكيك :
....................
فزعان لا تكلمــت في زين القبــل
تقول بن دعكيــك ياشاعر طفــــل
ولا انا من سمــح قدره الحبــــوب
الدواء القطاع ذي يشفي القلـــوب


الشاعر مجمل :
......................
مالوم كل من حب في زين المقـل
حـــــب الملوح حب يضرب به مثل
وانته على نوب الصرر حط القطوب
الدواء القطاع ذي يشفي القلــوب


هاني دعكيك :
.....................
هيج بامـــردوف يا سالم خــــــزل
ما يشل الحمــــل من فوق النطل
والعروبه ضيعوا خــير السلــــــوب
الدواء القطاع ذي يشفي القلــوب

حبيت لــي مزيـــــــون لكنه رحل
يوم حبيتــــــــه على باب الــوكل
يا خسـاره حب ماله شي سيوب
الدواء القطاع ذي يشفي القلـوب


الشاعر مجمل :
......................
حتــى الكفاله شو مجمل قد نقل
على اللذي فالقلب قد شيد فـلل
اكثر و اكثر من فلل حـــي الغروب
الدواء القطاع ذي يشفي القلــوب


هاني دعكيك :
....................
منهم فزعان يضوينــي شــــــلل
او يجيني ضغط مع اربـــــــع علل
منها بشان نلحق شــي طبـــوب
الدواء القطاع ذي يشفي القلـوب

و الكفـاله سببت فيني زعـــــــل
يوم سـابلنا معي عمي بخــــــل
لعن بوه العـم كل شغله تعــــوب
الدواء القطاع ذي يشفي القلـوب


أبو هاني الكثيري :
.........................
الهوى باعــــــوه في سوق الدلل
يومهم دخلـــوه يا هــــاني سقل
من عرفت الحب ياصاحـــب ذنوب
الدواء القطاع ذي يشفي القلـوب


سالم ابوطارق :
......................
الف يا مرحيب و ابياتك عســــــل
يا مجمــل فيــك ما بـدل بـــــدل
انت الصاحب ولي بعدك صحــوب
الدواء القطاع ذي شفي القلــوب
الرجوع الى أعلى الصفحة اذهب الى الأسفل
 
فصل للشاعر مجمل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الدان و الشعر الشعبي بوادي حضرموت :: اقسام منتدى الدان والشعر :: قسم فصول المساجلات-
انتقل الى: