الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت


منتدى يختص بالدان والشعر الشعبي بوادي حضرموت
 
الرئيسيةالبوابةاليوميةس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» قصيده (ضاقت علي المملكه والشغل ماله قابليه) للشاعر هاني دعكيك
الإثنين فبراير 06, 2017 12:16 am من طرف هاني دعكيك

» قصيدة ( يامن تخاطبني بنبرات العتب ) للشاعر هاني دعكيك
الإثنين فبراير 06, 2017 12:08 am من طرف هاني دعكيك

» قصيده ( خسرت الرهان ) للشاعر هاني دعكيك
الخميس يناير 26, 2017 10:26 pm من طرف هاني دعكيك

» قصيده مشاركه في تخرج طلاب المعهد الوطني للعلوم الاداريه بحضرموت) كلمات هاني دعكيك
الخميس يناير 26, 2017 10:22 pm من طرف هاني دعكيك

» قصيده ( خطة جون كيري) للشاعر هاني دعكيك
الخميس يناير 26, 2017 10:16 pm من طرف هاني دعكيك

» قصيده ( اليمن بين الحرب والهدنه) للشاعر هاني دعكيك
الخميس يناير 26, 2017 10:13 pm من طرف هاني دعكيك

» قصيده( رثى في المرحوم له باذن الله فايز مسلم بن وبر) كلمات هاني دعكيك
الخميس يناير 26, 2017 10:08 pm من طرف هاني دعكيك

» قصيده ( الله يستر شو العروبه تنتحر ) للشاعر هاني دعكيك
الخميس يناير 26, 2017 10:05 pm من طرف هاني دعكيك

» قصيده ( تفجير الصولبان ) للشاعر هاني دعكيك
الخميس يناير 26, 2017 10:02 pm من طرف هاني دعكيك

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 فصل للشاعر / سالم حسنون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هاني دعكيك



المساهمات : 173
تاريخ التسجيل : 21/09/2012

مُساهمةموضوع: فصل للشاعر / سالم حسنون    السبت أكتوبر 27, 2012 11:30 pm

قصائد منقوله من مجموعه الدان و الشعر الشعبي بوادي حضرموت
للشاعر / سالم حسنون :
...............................
فصل والثاني مجلين الكـــدر**في ربوع الباديه
لكن المقسوم واحكام القدر**باصبـــــر للتاليه
عادنا عندي أمل**يوم حبه وسط قلبي مايميل
مايدوم الا المــــروه والجميـــل

عين بوهاشم محالفها السهر*وانت عينك غافيه
ياخفيـــف الــروح يا حلو النظر*مابقلبي كـــافيه
شوف حبـك لايزل*أنتـــه متربع وفي قلبي نزيل
مايدوم الا المــــروه والجميـــل


علي سالم باوزير :
..........................
مرحبــا مليـون يا و عل النـتر * بو القـرون الحانيه
جيــت ع داعيـك والله ما عذر * و النفوس الساليه
يومنـا عنـــدي قبل * ما نفكر في المعلم و القبيل
مايدوم الا المـــــــروه و الجميل


سالم حسنون :
......................
لعنبـوا ذا اليوم لي قلنا سفر**ما رايت العـــــافيه
بيت الا بين همي و الفكــــر** و المـــدمع خاويه
جف لي وسط المقل*وانت ماتعطف ولاترحم قليل
مايدوم الا المــــروه والجميـــل


هاني دعكيك :
....................
يا علي لاجاك من عندي خبر * في السنين التاليه
فنده و اذكر زمن عدا و مـــــر * ما عليكم خــــافيه
باب روّح و انقفل * فــي زماني باقفل بوها قفيـــل
ما يدوم الا المروه و الجميـــل


علي سالم باوزير :
..........................
ما نسيت العيش وايام الصغر * في السنين الماضيه
عــادنا عندي لكم وجهه نضر * و البـلاد الخـــــــاويه
انتبــه تنطح جبل * دام فيـــه الوعل بو القرن الجليل
ما يدوم الا المروه و الجميــــل


هاني دعكيك :
....................
بعد ما حبـــيت في بندر عمر * عشت دنيـــا فـانيه
ليش يا سالم تعق حلان سر * او شبـــام العـــاليه
يوم غيرت العمــل * قال بن دعكيـــك با عدك عميل
ما يدوم الا المروه و الجميــل


سالم حسنون :
......................
المحبـه يا على سـالـم خطـر* نارهــــــا ذي كاويه
من دخلها قال شاعرما استقر* خـذ نصيحه شافيه
ذي طرقها والسبل*عاد شي لقياءبمحبوبي سبيل
ما تدوم الا المروه و الجميــل


علي سالم باوزير :
..........................
المحبـــه نار تقبس بالشـرر * ما لبـــــــــوها ناهيه
لابغيت الصدق ماحب من حذر * يقطعــون الساقيه
قال بن سالم سقل *ريت حدمخلوق فيهم يستقيل
ما يدوم الا المروه و الجميـــل


سالم حسنون :
......................
عشقي الا لاحجل شعبة عمر*و الغصـــــون الراويه
ما نبا الكوده ولا الغار الحمــــر *يوم نفسـي شاقيه
ماعطي ما في الوسل ياحلاة الجو لا قد سال سيل
ما يدوم الا المروه و الجميـــل


محمد باوزير :
..................
مرحبــا شاعر كلامه مختصـــر % له معــاني غاليه
جــاب فيه اللــؤل كله و الــدرر % بلوله و الثـــــانيه
منكم ماشي خلل % غير لا تهنيت مع ذاك الخليـل
ما يدوم الا المروه و الجميـــل


هاني دعكيك :
....................
با تصيد الوعل منصوب العجر * فــي البلاد الهـــانيه
رح زياره عندهم لانته نفــــر * فـي المحبه داهيــه
في شعابه اغتسل * مــائهم ممتاز يصلح للغسيل
ما يدوم الا المروه و الجميـــل


علي سالم باوزير :
..........................
لا عـزمـت اتروح للــوادي الاغر * و البــــلاد الحاميه
قل لـ بوهاشم فوادك ينـــــبهر * بالغصــــون الدانيه
صدق مافيها هزل * وانته من هرجهم بايوصل هزيل
ما يدوم الا المروه و الجميـــل


سالم حسنون :
......................
آه يادعكيــك قاتلنـــا القهـــــر * شي معاكم ناهيه
بانزوره و الخـواطـــــر باتســـر * يوم نفســي ناويه
وضعنا بايعتـــــــدل * لارايت اللي لروحي هو عديل
ما يدوم الا المروه و الجميـــل


محمد باوزير :
...................
كا صبر ياخـوي يضفر من صبر % حكمتي لك خـاليه
مابها شي لوم مني وان صدر %في السنين الجايه
في محبينك عقل % لا تسوي لي مسلم بن عقيل
ما يدوم الا المروه و الجميــــل


سالم حسنون :
......................
لو يبى روحي و ما وسط الكمر * ياعــــــرب با فاديه
مابغيــت الا قـرابـك يا الاغر *شـوف نفســـي غاويه
زادت الابي علل * شوفتك تشفي لي القلب العليل
ما يدوم الا المروه و الجميـــل

هاني دعكيك :
....................
لا عزمت الهجـــر مثلك باهجر * بانســوي ســـاريه
في رباع الدار من نقش الحجر * فالامـور الســـاميه
بس مبغيت الزعل * لا تقــع مخلوق يا سالم زعيـل
ما يدوم الا المروه و الجميــل


هاني دعكيك :
....................
لي يحبونك و في وسط الوصر * يحسبون الثــــانيه
ان تجيهم ضيف في بردآ و حر * بالحضـــون الدافيه
با يدفونك بخــل * عندهم لو تخــــرف النخله بخيل
ما تدوم الا المروه و الجميـــل


سالم حسنون :
......................
كلكم صلــوا جمعيا من حضر * في ختــــام القافيه
عا النبي المختار ذا سيد البشر*ذو الخصال الوافيه
النبي خير الرسل*عد ماشي سيل في الوادي يسيل
مايدوم الا المروه والجميــــــل
الرجوع الى أعلى الصفحة اذهب الى الأسفل
 
فصل للشاعر / سالم حسنون
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الدان و الشعر الشعبي بوادي حضرموت :: اقسام منتدى الدان والشعر :: قسم فصول المساجلات-
انتقل الى: