الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت


منتدى يختص بالدان والشعر الشعبي بوادي حضرموت
 
الرئيسيةالبوابةاليوميةس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» قصيده (ضاقت علي المملكه والشغل ماله قابليه) للشاعر هاني دعكيك
الإثنين فبراير 06, 2017 12:16 am من طرف هاني دعكيك

» قصيدة ( يامن تخاطبني بنبرات العتب ) للشاعر هاني دعكيك
الإثنين فبراير 06, 2017 12:08 am من طرف هاني دعكيك

» قصيده ( خسرت الرهان ) للشاعر هاني دعكيك
الخميس يناير 26, 2017 10:26 pm من طرف هاني دعكيك

» قصيده مشاركه في تخرج طلاب المعهد الوطني للعلوم الاداريه بحضرموت) كلمات هاني دعكيك
الخميس يناير 26, 2017 10:22 pm من طرف هاني دعكيك

» قصيده ( خطة جون كيري) للشاعر هاني دعكيك
الخميس يناير 26, 2017 10:16 pm من طرف هاني دعكيك

» قصيده ( اليمن بين الحرب والهدنه) للشاعر هاني دعكيك
الخميس يناير 26, 2017 10:13 pm من طرف هاني دعكيك

» قصيده( رثى في المرحوم له باذن الله فايز مسلم بن وبر) كلمات هاني دعكيك
الخميس يناير 26, 2017 10:08 pm من طرف هاني دعكيك

» قصيده ( الله يستر شو العروبه تنتحر ) للشاعر هاني دعكيك
الخميس يناير 26, 2017 10:05 pm من طرف هاني دعكيك

» قصيده ( تفجير الصولبان ) للشاعر هاني دعكيك
الخميس يناير 26, 2017 10:02 pm من طرف هاني دعكيك

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 مساجله على الزامل ( هاني دعكيك و جمعان بانافع )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هاني دعكيك



المساهمات : 173
تاريخ التسجيل : 21/09/2012

مُساهمةموضوع: مساجله على الزامل ( هاني دعكيك و جمعان بانافع )    الأحد سبتمبر 23, 2012 7:42 am


مساجله بيني وبين الشاعر الكبير جمعان بانافع اارجوان تنال اعجابكم واستحسانكم

جمعان بانافع :
....................

ايــش من عيـد معنــا ذوك لها طعم ثاني
عند ربعــي وحــلان الحصـــون الدويــــله

مامعـــي عيــد دام الحــال قـولـو لـ هاني
يشتكي ظلــم ظالـــم ريت باليــد حيــله

كل ما عـــزمت برحل عاكســـو في ثواني
كل واحـــدمقيـــد و السبـــب مـن كفيله

ريتــــهم يسمحـــولي بارجــع لامـــكاني
وســط وادي قضـــاعه فـي البلاد الاصيله
~~~~~~~~~~~~~~~~~~~~~~~

هاني دعكيك :
....................

قال دعكيـــك هــانــي مرحبـــا يا كنــاني
مرحبـا مرحبــــا تعــداد طـــش المخيـــله

تشتكي من زمــانك . يوم شـابه زمـــاني
كل واحــد فــي الغـــربه حمـــوله ثقيــله

قرّب العيد .و الدمــعه تصب مــن عيـــاني
ع فـــراق الوطـــن دعكيـــك ماحـــد رثيله

و انـت تشكي من الباطل على البهبهاني
ريــت لــي امــر و الله بانكســـر رجيــــله

ماسمح لي نسافـــر يوم طبـــعه انـــاني
ماسمح لي . و قـد زعـل علـــي الحـليله
~~~~~~~~~~~~~~~~~~~~~~~

جمعان بانافع :
...................

انــت عـــانيت يا هـــانـي ونــا الا نعــاني
و السبب قل لبن دعكيك اهــــل المحيله

من حيلهم انا خايف دخـل وســــط طاني
ما يفيـد النــدم من بعد وضــــــع الصليله

مشكله بارجــــع ارض العقيـــــق اليماني
ارضنـــا دنســوها بالتـــهم و الـرذيــــــله

و السـبب جوا اوادم طبعــهم طبـــع ثاني
شلو النفط والخيرات ذي في المسيــــله
~~~~~~~~~~~~~~~~~~~~~~~

هاني دعكيك :
...................

دوب نشكـــي و نبكي ع فراقــــه وطاني
كننــي يالفتــــى نذكـــره فــي كل ليله

ما نسـيت الوطــــن مهما فـــراقه ضناني
عاد عنـــدي امــــل ليـــله بسوم الغليله

كيف ترجع بلد محتـــل بـ حاسد و شاني
لا تعـــوّد و عــاد الفيـــل توكلــــه فيــله

ماعرفنــا لهــم مذهــب و لاهـــم خواني
دمــروا ارض من اعــــــــوام كانت جميله

و السبب يوم صاحبنــا رحــل لا عمــاني
ريتــه الا صمــد بتجيـه كــم من قبيـــله

كن خســاره فشـــل لانه قبض بالتماني
و التمــاني تلجم خيل يعجــب صهيـــله
~~~~~~~~~~~~~~~~~~~~~~

جمعان بانافع :
..................

سالم البيــض يا هــانـي بمــيزر رمــاني
من فعــاله تون عربـــان في راس خيــله

دخــل االعُــور و الحنشان لما مــــــكاني
جابــهم بالـرضــاء ماحــد غصب بانبيــله

جاب لي شعب مثل الجرب ذيهو ضماني
له زمــن منقطع ما جــات حـــوله مخيله

حد يعبي وسط كيسه و حد في الثباني
مايقنعون بالمقســوم هـو والقليــــــــله

هــم مقـزه كرهنــاهم و منهم نعــــاني
مثل كـــره اليمـــامه يا ذكـــي للجليـله
~~~~~~~~~~~~~~~~~~~~~~
هاني دعكيك :
....................

سالم البيـــض ياصاحــــب بناره كــواني
يوم جــاب البلاء و الكــير زايــد شعيـــله

جيت ناصحه بو عــدنان عـــاصي خزاني
قال لي من قتــــل لابد . يدفــــن قتيله

قلت له انت جبت الهام لمى ثبـــــــاني
و الحنش و المصائب جات ماهــي قليله

ايش سويت فيناء يا غـــزيز المعــــــاني
جبت دحبــاش للبنــدر وسوق الطــويله

ياخساره خســـاره يوم طاحــت ركــاني
كم و كم شخص بو عدنان قــرر سحيله

و اليمـــامه تعــاني لـــي بـلاها بــلاني
و السبب انني رشحـــــت واحــد هبيله

جمعان بانافع :
..................

عــودة الارض يا هــاني تراهــا تمــــاني
و العــوّر ما بضنــي بايحصـــل صميــــله

ريت شــي راي واحــد ما نبـى راي ثاني
و البشــر تجتمـــع من عمد لما الخميله

ذا صـلاحــي و ذا حــزبي و هاذاك جـاني
و للاسـف اصــل واحد يرجعــوا من قبيله

غرروهم و تبعــوا كــل حاسـد و شـــاني
و الحيـــل واجــده جونا بـ عشرين حيــله

لمـــوا الشــمل لوا تبغــون ذاك الزمــاني
ون بقـت هكــــذا عودة (عدن) مستحيله
~~~~~~~~~~~~~~~~~~~~~~~

هاني دعكيك :
....................

با نناضـــل و بتذكـــره كل من نســــاني
و الزمــــن يندرج يابو القـــرون الجليــــله

و بانرجـــع عــــدن بالـــدرع و العيلمـاني
ساعه الحــــرب ما باشـــل انا بو فتيـــله

كــن لـي راي ثـــاني ايش لك باليمـــاني
يومه الحضـــرمي في الناس ماحد مثيـله

ما نبــى سعفـهم ذولاك من جنس ثـاني
مثل اهل المـــواتر كل حــــد له مـــديـله

ختمها ع النبـــي تعداد طش المـــــزاني
صل و سلـــم على المختار في كل ليـله
~~~~~~~~~~~~~~~~~~~~~~~
الرجوع الى أعلى الصفحة اذهب الى الأسفل
 
مساجله على الزامل ( هاني دعكيك و جمعان بانافع )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الدان و الشعر الشعبي بوادي حضرموت :: اقسام منتدى الدان والشعر :: قسم الزامل الشعبي الحضرمي-
انتقل الى: