الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت


منتدى يختص بالدان والشعر الشعبي بوادي حضرموت
 
الرئيسيةالبوابةاليوميةس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» قصيده (ضاقت علي المملكه والشغل ماله قابليه) للشاعر هاني دعكيك
الإثنين فبراير 06, 2017 12:16 am من طرف هاني دعكيك

» قصيدة ( يامن تخاطبني بنبرات العتب ) للشاعر هاني دعكيك
الإثنين فبراير 06, 2017 12:08 am من طرف هاني دعكيك

» قصيده ( خسرت الرهان ) للشاعر هاني دعكيك
الخميس يناير 26, 2017 10:26 pm من طرف هاني دعكيك

» قصيده مشاركه في تخرج طلاب المعهد الوطني للعلوم الاداريه بحضرموت) كلمات هاني دعكيك
الخميس يناير 26, 2017 10:22 pm من طرف هاني دعكيك

» قصيده ( خطة جون كيري) للشاعر هاني دعكيك
الخميس يناير 26, 2017 10:16 pm من طرف هاني دعكيك

» قصيده ( اليمن بين الحرب والهدنه) للشاعر هاني دعكيك
الخميس يناير 26, 2017 10:13 pm من طرف هاني دعكيك

» قصيده( رثى في المرحوم له باذن الله فايز مسلم بن وبر) كلمات هاني دعكيك
الخميس يناير 26, 2017 10:08 pm من طرف هاني دعكيك

» قصيده ( الله يستر شو العروبه تنتحر ) للشاعر هاني دعكيك
الخميس يناير 26, 2017 10:05 pm من طرف هاني دعكيك

» قصيده ( تفجير الصولبان ) للشاعر هاني دعكيك
الخميس يناير 26, 2017 10:02 pm من طرف هاني دعكيك

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 فصل للمحاوره للشاعر / مجمل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هاني دعكيك



المساهمات : 173
تاريخ التسجيل : 21/09/2012

مُساهمةموضوع: فصل للمحاوره للشاعر / مجمل    الجمعة أكتوبر 26, 2012 7:39 am

قصائد منقوله من مجموعه الدان و الشعر الشعبي بوادي حضرموت
فصل للمحاوره مع نخبه من شعار المجموعه

الشاعر مجمل:
..................

خرج ذا فصـل يالهاجس بدع بالقول ذي يشفي
و سلم لي على عــــــــربان حلوا خيرة الوديان

و باقــدم بغيه ذي جنــاه النــــــوب في قرفي
لكم ياذي في السمره على اليسرى وع ليمان


سالم حسنون :
......................

رحـب بابيات من شاعر تسر القلب لي يشكي
و تقلب حــالتـي سعــده بعــد ماكنت بالاحزان


الشاعر مجمل :
......................

و ربي فالسماء عالم بكل ضاهــر و كل مخفي
بقلبــي يا النشــاما شــوق للبــدوان فالخليان


هاني دعكيك :
....................

رحــــب بكلام من شاعر كلامه لي صدر يكفي
يحـن قلبــه على ديـره بها قد حلت الغــــزلان

و نا لا قــــد نظرت الفصل سعفك باضبط صفي
ولا باقـــــول ماسيبي بكم يالعــــاشق الولهان


سالم حسنون :
......................

عسى ببلـــغ مقاصيدي وبقضي ياعرب شفي
ســويعه قــــابل احبابي على ميعاد بالاحضاان


الشاعر مجمل :
.....................

و مــن عيشه فــــي الغربه مجمل قالها يكفي
دخلنـــاها في الشبه و قد نحنــــا مع الشيبان


محمد باوزير :
..................

سمعت اكلام من شـــــــاعر و منه بالغ شفي
لانه ادمـــي فـــاهم نعــده فـــــارس الفرسان


الشاعر مجمل :
......................

و لكن المصيبه شــوفــها في الهام في عطفي
حنـــــش عيفه في الديره تمص الطير والطليان


سالم حسنون :
......................

يقــول المهتجــس سـالـم دوام معاندي ظرفي
اذا عـزمـــت با ســـافــر ظهــــــر للبقى برهان


هاني دعكيك :
....................

يلـومون العـــــرب هاني و كل اللــــوم ع لطفي
بــلانا هــــو في الغربه و هو عايش في الاوطان

وقـــــدني دوب نتشكى ولا قد قلت ياحسفي
يقــولوا لي صبر عادك عسى حبل الوصال ايبان


سالم حسنون :
......................

فتــح قافيـــــك يا الشاعر قبل ماينتهي حرفي
و خـــــــــــل الناس تسمر تراها عاشقه للدان


محمد باوزير :
...................

بغيتــونا حسف لـولــي و مرجـــاني مع صدفي
حســــــافه قال بو سالم يروح اللول و المرجان


سالم ابوطارق :
......................

رحـــب بقـوال من شــاعـــر لمع بارقه متهلفي
على روس الشعاب المفــــــرعه باتفتك الوديان .


الشاعر مجمل :
.....................

بشــر و الله بسعدك قبل يا سـالم علي تسري
طلب كل ما تريده من عمر يا مقصـــــع العمدان

سمر نسم على خاطــــرك ماذلحين يالنشمي
بواب القافيــه مفتــوح و البــاقي على الرحمــان


هاني دعكيك :
....................

حنـــين الشوق يا سالم لارضي يعلمـــــه ربي
و يعلم انني عـــاشق لارضي يافتـــــى حبــان

وكل من حـــب اوطانه يقضي غــــــربته يصبي
و دمع العين ع خـــــده يشابه قصبه المعيــــان


سالم حسنون :
.....................

صبر يا صـاحبــــي هــــاني تراني مثلكم مبلي
بحــــب انسان متبــــاعـد مخليني كما البلهان


سالم ابوطارق :
......................

بلادي حضـــرموت الغاليه طعمش كما الخرفي
اذا ذكروش في المسمر مسابش خاطر طربان .


محمد باوزير :
..................

فتحتـــــوها و انا بفتح لكــم با قـــــول ماعندي
و لا بخلف و بتخلف رصــاصي كنش و جهيمان

يحن قلبـــي على ارضي وكل ماقلت بانمشي
يقــولـوا لي قعــد عــــادك هنا يالعاشق الفنان


الشاعر مجمل :
......................

نبـا دعكيـــك يتوكل يسلم لـي على القــــربي
ويشكي له من الغربه ويشكي فعل بن شملان


سالم ابوطارق :
......................

و لا هـــــو كذب ماقوله منى قلبي وهي شفي
ليــله وسطها تســــوى سنه في خيرة البلدان .


الشاعر مجمل :
......................

تعبنــا في تعبنــا و التعب باقــــــــول انا منسي
متــى ما راح اخــــر شخص من شلت بن علوان


هاني دعكيك :
....................

شكينــــــــا جم تكلمنا على الغربي مع العربي
و لكـــن ماسمع قولي ولــد نــوّح ولا سيبــــان

خساره يوم وحــــــــدنا الوطن طعنوك يا قلبــي
وطعن الغـــــــــدر يالشاعر منه تفزع الشجـعان


الشاعر مجمل :
......................

كلامــك حــق يا هـــاني انا بشكي لهـــم ربي
و لاضــــاقت علي مابي قهد من انسها والجان


هاني دعكيك :
....................

قــهد ما بك قــهد نعــــرفك دربك يافتـى دربي
تصالي مثل ما صالي و حــــــــالك منهم مليان


الشاعر مجمل :
......................

اذا هــدرت دواسر قل هـــاني شفه بايقــــفي
اذا قـــامـوا عــــــرب ذي هم يوطوا كفة الميزان


سالم ابوطارق :
.....................

و ربك با يصلحـــها و با يصفى بها شــــــــربي
و بانفسح في الغربه و لا نبقاء على الاحسـان


سالم حسنون :
......................

مكان الشـــوع متبــاعد عليكـــــم يال باهبري
تقولوا الشهر في القبله وشوفه عاد مبعد باان


هاني دعكيك :
....................

عــربنا يا مجمل كل واحد في محــــل يحكــي
و هــذا الحكي قد دمر علينا شف جبل ردفــان

علي في الغاصمـه بيـروت مايسمع لمن يبكي
وحيدر في وســـط جده عقل يسراه ع لـ يمـان


الشاعر مجمل :
......................

فضيحه قــد لقاها البيــــض و الــــدلال باهبري
خســرنـاهـــا كوادر بعد ذي قد صار من حسان


هاني دعكيك :
....................

علي قــد سلم الــدولـه و سلم حقنـــا العدي
و سلم كل شــــــــي غالي خزاك الله بوعدنان


سالم ابوطارق :
......................

و خـــلك من كلام الناس مـاحـــــد يتبع المربي
يبـــاء يملي ثبـــانه لا اختــلى ميهمه الانسان


الشاعر مجمل :
......................

بغينـــا حــل يالاخــوان يكفي ذل بنـــــــا بكفي
و شــو ما شــي تطـــور لوجـــرى بترولنا معيان

ليالي يا عبــاد الله نومي قــد هجــــــــر طرفي
اذا درت الفكر كيف المعيشه في وسط حنشان


حمزه عبدالمولى بازمول بازمول :
.............................................

مجمل بــــــــن مجمل قال معانا للمرض طبي
يداويها من الأصواب يداوي سوس في الاسنان


هاني دعكيك :
....................

نُهب بتــرولنا و النـــفط يا صــاحبــي مـا تـدري
بانه قــد ذهب صنعاء و خصه في بلــد سنحان

و اصحــابي سرق كلهم اذا قد قلـــت يا قهري
يقولوا لـــي سكت ساكت و خلك ادمي فهمان


الشاعر مجمل :
......................

حســافه ع البنيــه زوجـــوها اهلــــــها عرفي
وجــابت عـاق ما صلي ولا قد صام في رمضان


حمزه عبدالمولى بازمول بازمول :
.............................................

و هاني قــــد بلغ هام الثريا في الأفق يشبي
رمال المقفره الصحــــراء يسابق بالقدم ركبان


هاني دعكيك :
....................

بغيتــم جرحكم يشفى عطوني ياعرب شفي
ويسمع كلمتــي هذه بني يثرب مع قحــطان

تحرر با يقع بالكـــنش و المرشون يا صحبـــي
تحرك يالحراكــي و احكم المدره على البنيان

و انك با تتمــي هكذا قال الفتـــــــى سلمي
قسم با تبكــي المهره بدم ع اختــــها بيحان


الشاعر مجمل :
......................

خــلال الخـاصـره لصلاح فالداخل كسر صفي
لقولي خصـــم فالداخل ذهن ياشيذر الرميان


حمزه عبدالمولى بازمول بازمول :
.............................................

تعقّل قل لبن دعكيك شف بعض العرب تنسي
حقوق المسلم الخمسة وانته العلم والعرفان


سالم ابوطارق :
......................

و حتـى زوجــوها شرع ما بتجيـــب لا سكني
لان والـــــده سكني كيف يامجمل بغيره عان


الشاعر مجمل :
......................

عليـــهم يا عباد الله في عرفه غــــــدا بدعي
و كلن منكـــــم يدعي سمعنا ياعظيم الشان


هاني دعكيك :
....................

حذرنا حضـــــري الاصلاح لاني عـــادنــي بدوي
نحس الضرب و اتسمع و به نتنظـــر الدخـــــــان

خساره يالحضارم شرحكم معـــــروف ع القطني
لقوكم في عدن لايف على المغنى وصوت الدان

حمزه عبدالمولى بازمول بازمول :
.............................................

بغينـــاها تقــــــــع بالسلم تمهّل لا تقع عصبي
بحول الله با تصفــــــــــى وبا تشرب كرع مليان


سالم حسنون :
......................

وسبع سنين ياحمــــــزه ونحنا عالرحى نرحي
و بالحمر و بالصفر ســــروا بالليم و الرمــــــااان


الشاعر مجمل :
......................

كلامـــك في السمر قولوا لهاني ذي مسهرني
و لايهــونــون ذي معنا رجــــــال الجود والعرفان


هاني دعكيك :
....................

تمـــر لعـــــوام ياحمزه بسلمي كيف باتجنــي
ثمر قــــــــاني لاولادك لذي هو داخل البستان


سالم ابوطارق :
......................

كــــريم الوجه ماينساء عبيده رب عساء عشوي
يروح عا الخطـــم ويجيب سيله يروي العطشان


الشاعر مجمل :
......................

ورا سالم سرى ياهل يالسمر قدغاب من سدي
معه مــوضـــوع ثـانــي يا يسـدد دين للـديـــان


حمزه عبدالمولى بازمول بازمول :
.............................................

بعرفه و النبـــــــي طه يخلّي كيـــــرها مطفي
لنا عبره صحـــــــاب الشام يتمى فرقزوا لعيان


سالم حسنون :
......................

انا كلمه في خـالي يقــــــــــول الا ولد عمـي
بغينــــا ارضنــا ترجــــع انا مالي و بن علـــوان

و يافع لاهــل با يافــع و ابين ما تجـــــي مني
انا من عــــــااد يا عالم فهمتوا مقصدي الآآآآآآن


سالم ابوطارق :
......................

سوا ما قلـــت ياحمزه عبر ما جــــــات بلعدي
يتبــع من بصــر والي تعــامـا يلهــــب البركان


هاني دعكيك :
....................

فهمنــا قصد بن هاشم ماله دخل في مهدي
قصـــوده بس بلد لحقاف فيها الدين و الايمان


حمزه عبدالمولى بازمول بازمول :
.............................................

ننمي الفكــر في الأولاد لا سني ولا شيعي
ونتحــاور على المشكل بهذا يرتقي الأنسان


الشاعر مجمل :
......................

طلبــت العفو يالشعار لو شي قد حصل مني
وباغادر سمركم طالت السمره على الشيبان


سالم ابوطارق :
......................

و ابين هي و يا يافـــع بلد في جنوبك العربي
و لاتنساء ترى شبوه تحـــــــدك ايدك الايمان


حمزه عبدالمولى بازمول بازمول :
.............................................

وما ينفعك يالانسان يبقى في الصحف مخبي
تحوز القرب مـــن ربـــــك تحوز الخير والرضوان


هاني دعكيك :
....................

انا لا قلت بتحاور معاهم في خــطاء عمـــــري
يقولــــوا سقفنـــا واحــد بوحـــده كلنا اخــوان

انا مـا نــا مـن الـزيــدي ولا نا يا عرب هنــــدي
و وحــــدتكم كرهناها و قــدها طيّـــت الاكفان

مـرادي با نعــزيكــم بــها و العـــــــين با تبكي
عسى تقبل عزاناء و العوض بالله عظيم الشان


سالم ابوطارق :
......................

وعـاد الصـــرح ليبا يبتني في خطــت التركي
نسيته لاتقـــع ناسي و لا تذكـــــــرك غلمان


سالم حسنون :
......................

نبــى وقــت الرخا يرجع ويرجـــــع للسلا وقتي
دعوه الشيخ بن محسن رجع ياحضرة السلطان


حمزه عبدالمولى بازمول بازمول :
.............................................

ونختمها بـ طـه الزين عـــدد ما غــــرّد القمري
خيار القوم اصحابه واله شيّـــــــــــــدوا البنيان
الرجوع الى أعلى الصفحة اذهب الى الأسفل
 
فصل للمحاوره للشاعر / مجمل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الدان و الشعر الشعبي بوادي حضرموت :: اقسام منتدى الدان والشعر :: قسم فصول المساجلات-
انتقل الى: