الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت
الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت
الدان و الشعر الشعبي بوادي حضرموت
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى يختص بالدان والشعر الشعبي بوادي حضرموت
 
الرئيسيةالبوابةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» قصيده (ضاقت علي المملكه والشغل ماله قابليه) للشاعر هاني دعكيك
بدع هاني دعكيك و جواب سالم حسنون  I_icon_minitimeالإثنين فبراير 06, 2017 12:16 am من طرف هاني دعكيك

» قصيدة ( يامن تخاطبني بنبرات العتب ) للشاعر هاني دعكيك
بدع هاني دعكيك و جواب سالم حسنون  I_icon_minitimeالإثنين فبراير 06, 2017 12:08 am من طرف هاني دعكيك

» قصيده ( خسرت الرهان ) للشاعر هاني دعكيك
بدع هاني دعكيك و جواب سالم حسنون  I_icon_minitimeالخميس يناير 26, 2017 10:26 pm من طرف هاني دعكيك

» قصيده مشاركه في تخرج طلاب المعهد الوطني للعلوم الاداريه بحضرموت) كلمات هاني دعكيك
بدع هاني دعكيك و جواب سالم حسنون  I_icon_minitimeالخميس يناير 26, 2017 10:22 pm من طرف هاني دعكيك

» قصيده ( خطة جون كيري) للشاعر هاني دعكيك
بدع هاني دعكيك و جواب سالم حسنون  I_icon_minitimeالخميس يناير 26, 2017 10:16 pm من طرف هاني دعكيك

» قصيده ( اليمن بين الحرب والهدنه) للشاعر هاني دعكيك
بدع هاني دعكيك و جواب سالم حسنون  I_icon_minitimeالخميس يناير 26, 2017 10:13 pm من طرف هاني دعكيك

» قصيده( رثى في المرحوم له باذن الله فايز مسلم بن وبر) كلمات هاني دعكيك
بدع هاني دعكيك و جواب سالم حسنون  I_icon_minitimeالخميس يناير 26, 2017 10:08 pm من طرف هاني دعكيك

» قصيده ( الله يستر شو العروبه تنتحر ) للشاعر هاني دعكيك
بدع هاني دعكيك و جواب سالم حسنون  I_icon_minitimeالخميس يناير 26, 2017 10:05 pm من طرف هاني دعكيك

» قصيده ( تفجير الصولبان ) للشاعر هاني دعكيك
بدع هاني دعكيك و جواب سالم حسنون  I_icon_minitimeالخميس يناير 26, 2017 10:02 pm من طرف هاني دعكيك

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

 

 بدع هاني دعكيك و جواب سالم حسنون

اذهب الى الأسفل 
كاتب الموضوعرسالة
هاني دعكيك




المساهمات : 173
تاريخ التسجيل : 21/09/2012

بدع هاني دعكيك و جواب سالم حسنون  Empty
مُساهمةموضوع: بدع هاني دعكيك و جواب سالم حسنون    بدع هاني دعكيك و جواب سالم حسنون  I_icon_minitimeالإثنين أكتوبر 22, 2012 5:23 am


مساجله شعريه وقعت بين الشاعرين هاني سالمين دعكيك و سالم عاشور حسنون

بدع / هاني دعكيك :
...........................

ابديت بك يالي خلقت الشمس و خلقت القمــــر
يا خــالـق الدنيــــا الآه العـــرش رب العـــالـــمين

انت الذي بامــرك يثـــور الغيـــث و يصب المطــــر
سبحان . لاقد ردت شي بيكون في لحظه و حيـن

و الفي صلاتي ع النبي صلوا على سيد البشــــر
و الآل و الاصحــــاب و الازواج هــــم و التــابـعيــن

صلـــى عليــــك الله لا يانـــون عينـــي و البصــــر
كـــل مـن يصلـــي ع النبــي بيحيــزها دنيا و دين

و بعــد قال المهتجـــــس ذلحــــين بادير الفكــــر
فـي سعف بو هاشم و بانقرب مطارح مبعــــــدين

ســلام لك الأف لا يـا وعـــل مرصــــوص العجـــــر
يا مــــن لك العــربــان تتخـــبر و تنشـــد كل حين

اشيـــاء كثـــيره حــاصــله و العلــم عندي و الخبر
في لي حصل و الي وقع من قبل في ذيك السنين

بـ هـــرج و بتكلـــم و بادوّر و با قــــص الاثــــــــــر
و انته هـــرج ياصــاحبــي و الـي مخفــــى با يبين

لا يا رعـــــى الله زام كــان الـزيـن لا عــدى و مـــر
من ســد عينــي . قلـب هـاني آآه تسمع له ونين

عشنا زمن و ايـام مثــل الطــين شفنــا و الشجــر
في داخل البستــان مـن حيــث العتــوم الجــاريين

و اليــــــوم هـــذا شـــوفه الا الطــير لا بـرّح و فــر
يوخذ مــعه قلبـــي . و نا نفحس يساري ع اليمين

هــذا الــذي قـد صـــار يوم الحلــوا يا حسنون قــر
و أتغيـــرت بقعــى و قــدنـا فــي حبـــال الزاهدين

و حاجات جم تخطر و كل ماجــاء على بالي خطــر
فــزعـان لا تكلمــت ســالــم ما يكلــم ســـالمين

لاكننـــا بهـــرج و باجيــب الكلام المختصـــــــــــر
لي مـــن النفـــع الـذي . شــكله يســـر الناظرين

سـلام لك يا ملتقــى ياحصـــن سـاسك من حجر
يا ملتقــى العقـاد . كل النــاس لاجــلك هـــاويين

لكـــن فــي هــذا الـزمـن اشيــاء تقشب بالشعر
حصلت . ووقعت . و انتهت . يقـول هاني سالمين

و مما حصـــل قال الفتــى شفنــا انـا حالي بشر
يا صاحبي سالم قرب . هت لي الدواء والاسبرين

من بايصـــدق ان مولــى العــين . يخطمــه العوّر
بالله هــذه مشـــكله . ردوا علــي يالســامعــين

و احنــا وقعنـــا مثــل لــي قــد راح لا بنــدر عمر
و هو يضن بندر عمر . يقرب لـ حذيه و العنــــــين

و ان قد رفعت الكرت قالوا الكرت لي بيدك حمــــر
والمستطيل اخضر . فطن ياصاحب العقل الفطين

هذا و تـم القــول باقـي العــذر لاشـي قـد قصـر
او شي زلل مني حدث ع اهل الوجيه المسفرين

و اختامها صلــــوا على المختــــار ياكل من حضر
صلــــــوا و انا صليت ع المختـــار الهادي الامـين
~~~~~~~~~~~~~~~~~~~~~~~~~~~~


جــواب / سالم حسنون :
..................................

ابديــت بك يارب يا عــالــم خـــوافي كل ســــر
رجــاي تغفــر لـي . بحقـــك يامهيــمن يا متين

و انت المؤمـل و الــذي تقــدر و غيــرك ماقـــدر
يافــــرد يامعبـــود ياقيــوم رب العــالمـــــــــــين

و الفي صلاتي ع النبــي الهـاشمــي طه الاغر
صلى عليك الله ياجـد الحسن هــو و الحســين

و الال و الاصحـــاب هــاذولا مصــــابيــح الغَــدر
و من مشى ع دربـــهم درب العبـــاد المتقيـــن

ما غرد القمري على الاغصـــان و اعــواد الشجر
و مـا قـــــرأ قــاري كتـــاب الله و النــور المبــــين

سـلام لك ياصـــاحبــي منــي ثلاثــين الــف كـر
لانـــك علــى غــالـي و عنــدي انتـه اليد اليمين

يامرحبـا بك و الـــف ياحيــا عــدد طــش المطــر
و عـــداد ما حنــت على ذيك الشعاب المفرعين

بِنـيــت لك ذا بِيــت فـي قلبــي به الجــوهــر درر
و الفين غرفه من زباد . ماهو من التبـله و طــين

قال الفتى الشاعر انا مثلك في العشقه بشــــر
لا قــــوت يعبــر لـي . كتبنـــا فـي عــداد الميتين

اقضي الليالي قال بن حسنون شفنا في سهــر
و الـدمــــع ع خــدي صبـــب بيّـت نرادف بالونــين

كـم لــي و نــا صـالي ظروف الوقت و نصالي قدر
الهــــــم و الغـــربه و اكبــرها فــراقــك يالضنـــين

الصــــبر طيــب قــال بـن حســنون كـل صابر ظفر
اصبـر . و انا صــابر . و ربــك بايـعيــن الصــــابـرين

و ذكرت لي في ملتقـى العقـــاد لـي فيــه الدرر
و اللــؤل و المرجـــان و العنـــبر و كل غالي ثمين

و المشكله قولوا لـ هاني في الجمل لي قد هدر
يهدر و لا يعصــر فهــم يا صــاحب العقـــل الرزين

و ان جيــت باعاتبــه يزعــل قـال مـاعنــدي فكــر
اخــر زمـــن . يوم المعلــم قــام ينفـُــخ ع الطبين

و لـ عــــاد حــاجــه للفضــائـح يارفيــقي و النيــّـر
خــل حقنــا بس بيننـــا لا تجــعل الخـــافي يبين

و لـ عـــاد باكـــثر نشــوف القـُـرب مبعــد بالنظــر
و لـ عـــاد بانقـــدر نقـــرب بــين لـي متبـــاعدين

و الشمس باشرق و بانشوف المشقر و الشقــر
و كل شـي بيبــين لا ياصــاحــب العــقل الفطين

و الختــم صلــوا ع النبــي الهاشمي سيد البشر
و الال و الاصحـــــاب مــره كلــــهم و التـابعــــين
~~~~~~~~~~~~~~~~~~~~~~~~~~~
هاني دعكيك و سالم حسنون
الرجوع الى أعلى الصفحة اذهب الى الأسفل
 
بدع هاني دعكيك و جواب سالم حسنون
الرجوع الى أعلى الصفحة 
صفحة 1 من اصل 1
 مواضيع مماثلة
-
» بدع سالم حسنون و جواب هاني دعكيك
» بدع و جواب بين كل من وليد سالم دعكيك و هاني سالمين دعكيك احداث سيئون 2014
» فصل للمساجلات ( هاني دعكيك . سالم حسنون . حمزه بازمول . خميس بن هلابي
» بدع و جواب هاني دعكيك و محمد دعكيك
» بدع محمد دعكيك و جواب هاني دعكيك

صلاحيات هذا المنتدى:لاتستطيع الرد على المواضيع في هذا المنتدى
الدان و الشعر الشعبي بوادي حضرموت :: اقسام منتدى الدان والشعر :: قسم القصائد النثرية الخاصة-
انتقل الى: