الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت
الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت
الدان و الشعر الشعبي بوادي حضرموت
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى يختص بالدان والشعر الشعبي بوادي حضرموت
 
الرئيسيةالبوابةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» قصيده (ضاقت علي المملكه والشغل ماله قابليه) للشاعر هاني دعكيك
فصل للشاعر ( هاني دعكيك )  I_icon_minitimeالإثنين فبراير 06, 2017 12:16 am من طرف هاني دعكيك

» قصيدة ( يامن تخاطبني بنبرات العتب ) للشاعر هاني دعكيك
فصل للشاعر ( هاني دعكيك )  I_icon_minitimeالإثنين فبراير 06, 2017 12:08 am من طرف هاني دعكيك

» قصيده ( خسرت الرهان ) للشاعر هاني دعكيك
فصل للشاعر ( هاني دعكيك )  I_icon_minitimeالخميس يناير 26, 2017 10:26 pm من طرف هاني دعكيك

» قصيده مشاركه في تخرج طلاب المعهد الوطني للعلوم الاداريه بحضرموت) كلمات هاني دعكيك
فصل للشاعر ( هاني دعكيك )  I_icon_minitimeالخميس يناير 26, 2017 10:22 pm من طرف هاني دعكيك

» قصيده ( خطة جون كيري) للشاعر هاني دعكيك
فصل للشاعر ( هاني دعكيك )  I_icon_minitimeالخميس يناير 26, 2017 10:16 pm من طرف هاني دعكيك

» قصيده ( اليمن بين الحرب والهدنه) للشاعر هاني دعكيك
فصل للشاعر ( هاني دعكيك )  I_icon_minitimeالخميس يناير 26, 2017 10:13 pm من طرف هاني دعكيك

» قصيده( رثى في المرحوم له باذن الله فايز مسلم بن وبر) كلمات هاني دعكيك
فصل للشاعر ( هاني دعكيك )  I_icon_minitimeالخميس يناير 26, 2017 10:08 pm من طرف هاني دعكيك

» قصيده ( الله يستر شو العروبه تنتحر ) للشاعر هاني دعكيك
فصل للشاعر ( هاني دعكيك )  I_icon_minitimeالخميس يناير 26, 2017 10:05 pm من طرف هاني دعكيك

» قصيده ( تفجير الصولبان ) للشاعر هاني دعكيك
فصل للشاعر ( هاني دعكيك )  I_icon_minitimeالخميس يناير 26, 2017 10:02 pm من طرف هاني دعكيك

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

 

 فصل للشاعر ( هاني دعكيك )

اذهب الى الأسفل 
كاتب الموضوعرسالة
علي سالم باوزير




المساهمات : 6
تاريخ التسجيل : 22/09/2012

فصل للشاعر ( هاني دعكيك )  Empty
مُساهمةموضوع: فصل للشاعر ( هاني دعكيك )    فصل للشاعر ( هاني دعكيك )  I_icon_minitimeالخميس سبتمبر 27, 2012 2:03 am


قصائد منقوله من فصل للمساجله في مجموعه الدان و الشعر الشعبي بوادي حضرموت
للاخوه ( هاني دعكيك . محمد دعكيك . سالم آر بي جي . ابو عمر . محمد بايعشوت . سالم حسنون . عبدالرحمن محمد باسهل . ولد قضاعه . ابو هاني الكثيري . علي باوزير )
..........................

هاني دعكيك :
..................

مــا زلــــــت نتـذكـــــر سنينـــي لاوله
و ايـام كانـــت فيـــش يـا ارض اليمــن
و اصحــاب ليـــا ع يســـاري و اليميــن
من صدق راح الطيبين

و اليــوم هــــذا بهـــذلــه فـي بهــذله
مــن بعد خلانــي و ارضــي و الـوطــن
و العشق ما يبناء على بطحى و طين
من صدق راح الطيبين


محمد سالم دعكيك :
..........................

يا مــن بدعــت الفصـل لا تلعـــب قله
حتــى تشــوف الزين بالـوجه الحسن
العـب و نادي صـاحب الوجه الحسين
من صدق راح الطيبين


سالم آر بي جي :
......................

ابيـات منـضومـه مثـيل الـقنبـــــــــلـه
من عنـد هــانـي لي للقــوافــي وزن
ادعوا معي عسى وقتنا الراهن يزين
من صدق راح الطيبين


هاني دعكيك :
..................

لي قــد هــدر دمــي هناء قـــد حلله
فــي هـــذه الغـربه و لا لـــوم الـزمــن
لـومـي على عربـــان بعـدي مزمنــين
من صدق راح الطيبين

لا مــــر ســدي و النبـــــي لا قبـــــله
لا يـا محمـد في خدوده و الـوجــــــن
ما دمـت حبيتــه و هــو عــاده جنــين
من صدق راح الطيبين


Abo Omar :
...............

يا مرحبــا ذا القــول نـاد الــراس لـــه
ذكـرني اصحـــابي و بعدي و الشطن
و لـ عــاد نـدري البــدايـه مـن فيــــين
من صدق راح الطيبين

القــوت يا صاحبي ماشــي طعــم له
و الهــم عا صــدري يزيــد الفــين طن
يومين في الغربه كما اربــــع سنـــين
من صدق راح الطيبين


الشاعرمحمد بايعشوت :
.............................

القلــب يتحسـر على اهــل المعجله
و الي حصل بالامـس في داخل بين
شف عاد كل مخفي ضروري با يبين
من صدق راح الطيبين


سالم حسنون :
...................

حملتـــوا الفـاطــر حمــوله مثقــــــله
و تريــدها تسرع بكـم يا باعشــــــن
ما تحكمون العقــل هــذا دل شيـــن
من صدق راح الطيبين


هاني دعكيك :
..................

مرحيــــــب يـا طيــب تحيــه مطــوله
اانستنــا و ارحبت في هــذا المكــن
نورتنــا و الســر فـي الحفــظ المكين
من صدق راح الطيبين

و لـ عاد تشكــي شف حيـاتي زلزله
و الهم في غربتــي ما جــاب الثـمن
من بعد مـا راح الـربــع هو و الثمــين
من صدق راح الطيبين


الشاعرمحمد بايعشوت :
.............................

كل من رفــع راسه علينا نقـــــــزله
ما هو مــن الواجــب نطبل له بشن
و الشين ما بيجيب الا فعــــل شين
من صدق راح الطيبين


الشاعرمحمد بايعشوت :
.............................

ما تفيــد يا دعكيك كثر القــــــــروله
كـل من مـعه موضوع يحكي باالعلن
و يبلغه لاصحـــاب حــذيه و العنــين
من صدق راح الطيبين


هاني دعكيك :
..................

بالعقــل ماشــي بايجـــــي بالقبيله
لا يا محمــد لا دخلتــــــــوا لا عــدن
خبر صحابك حيث ماهــــــم عامدين
من صدق راح الطيبين


سالم حسنون :
...................

فــرقـا الحبــايـب يا محمـــد مشكله
لكننــا بصبر و عنــدي حســن ظـــن
لقيــا تقــع بـه ياحبيبـــي و الضنــين
من صدق راح الطيبين


هاني دعكيك :
..................

مــن حب واحـــد فـي حيــاته يمهله
و يقــول له يا خــل من عنـــدي تمن
مــادمـت حــي فالقلـب منتـم ميتين
من صدق راح الطيبين


الشاعرمحمد بايعشوت :
.............................

كل من غــــرم شف عادني باجدله
اما عـدن بدخل و فـي يدي كفـــــن
باسرح المحتل بزنـدي و ال كفــــين
من صدق راح الطيبين


سالم حسنون :
...................

خــايـف توقــع لاضحكنـــا مهـــــــزله
و يصير بايعشــوت يا راطـــن رطــــن
مــاهــو سوى ياصاحبي كثر الرطين
من صدق راح الطيبين

و النــار لـي بالجــوف شفها مشعله
ون طالت الايــام يا راشـــن رشــــن
الله يجـــير النــاس لا زاد الـرشــــين
من صدق راح الطيبين


الشاعرمحمد بايعشوت :
.............................

بارفــق بخلــي عــادنــــي با ضـــلله
و احفض لـ سـره يومني انسان صن
و بسقيه ياحسنون في فنجان صين
من صدق راح الطيبين


هاني دعكيك :
.................

الصدق و الواقــــــع لمـن هــو يعقــله
و العـقل نعـمه لاتقـول العـقل جــــن
مــا بايجـــن الا اذا شـــاب الــجنــين
من صدق راح الطيبين

صقطت على صاحبي قــالـــو قنبــله
و انهد حيله و ارتضــخ عظــمه طحـن
ماهــو بكيــفه زود المـاء ع الطحـــين
من صدق راح الطيبين


الشاعرمحمد بايعشوت :
.............................

شفنــي درسـة الفقه هو و القلقـله
و باكلـــــمــك لبغيــت حتــى انقــلن
و بلعــب معــاكم عادني لعب القلين
من صدق راح الطبين


عبدالرحمن محمد باسهل :
.................................

كل من عشق مخلــوق يحذر يهمله
ولا ذيـأبه واجــده فــي ذا الـزمــــــن
با يخطفــونه و انت مساهن له يزيين
من صدق راح الطيبين


ولد قضاعه :
..............

و الضــار و الظالـــم لازم نعقــــــــــله
من جورهـم و الظلم كل واحــــد يون
لما متى يا نـاس نـردف ع الــونــــين
من صدق راح الطيبين

ســووا لنــا سبعــين مــره تنــــــكله
و العهـد قــد خــانوه كل بوهم خيـن
من مكــرهـم كلـن في الثاني يخـين
من صدق راح الطيبين


أبو هاني الكثيري :
......................

مـرحيب في مـرحيب ياهل المرجله
يا لـي سقيتــو الضيف من خير اللبن
و الجــود و المعــروف معكــم با يبين
من صدق راح الطيبين

و يقــــول بوهــانـي معيــه ماســاله
النوب لي في الجبــح ماضنــي يحن
و نشــوف جنحـانه و لا نسمع حنين
من صدق راح الطيبين


علي سالم باوزير :
......................

لا تقــول حــله المسئـله يا مسهله
المسئـله تحتــاج شفها مـرجحــــن
قــولـوا لـ بو هاني صقــور مجنحيـــن
من صدق راح الطيبين


Abo Omar :

...............

الهيــج لي ضــاري يشــل المثــــقله
قــولــو لـ بو هــاني برك و الحمل من
و لـ عاد نـدري السبــب اعيـــال مين
من صدق راح الطيبين

و اليــوم شـوّع في الضـروك الموحله
سـهل لــه الخطــوه و يارحمــن عِـن
و ارفــق بحــالـه بعـد ما صـابوه عين
من صدق راح الطيبين


هاني دعكيك :
.................

الهيــج ماكــن في رجــوله سلسله
من سمح شوف الهيج بالقيد ارتصن
كيف العمل للهيج ماكن بالرصـــــين
من صدق راح الطيبين

و اختـــامــها اصــلاه منــي توصـــله
على الحبيب الهاشمي جد الحسن
صلـــوا معـي ع الحســن و الحسين
من صدق راح الطيبين
الرجوع الى أعلى الصفحة اذهب الى الأسفل
 
فصل للشاعر ( هاني دعكيك )
الرجوع الى أعلى الصفحة 
صفحة 1 من اصل 1
 مواضيع مماثلة
-
» ونين عاشق للشاعر هاني دعكيك
» قصيده ( خطة جون كيري) للشاعر هاني دعكيك
» قصيده عدن تنتصر للشاعر هاني دعكيك
» قصيده ( الاتريك والشمعه) للشاعر هاني دعكيك
» قصيده ( تفجير الصولبان ) للشاعر هاني دعكيك

صلاحيات هذا المنتدى:لاتستطيع الرد على المواضيع في هذا المنتدى
الدان و الشعر الشعبي بوادي حضرموت :: اقسام منتدى الدان والشعر :: قسم فصول المساجلات-
انتقل الى: