الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت


منتدى يختص بالدان والشعر الشعبي بوادي حضرموت
 
الرئيسيةالبوابةاليوميةس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» قصيده (ضاقت علي المملكه والشغل ماله قابليه) للشاعر هاني دعكيك
الإثنين فبراير 06, 2017 12:16 am من طرف هاني دعكيك

» قصيدة ( يامن تخاطبني بنبرات العتب ) للشاعر هاني دعكيك
الإثنين فبراير 06, 2017 12:08 am من طرف هاني دعكيك

» قصيده ( خسرت الرهان ) للشاعر هاني دعكيك
الخميس يناير 26, 2017 10:26 pm من طرف هاني دعكيك

» قصيده مشاركه في تخرج طلاب المعهد الوطني للعلوم الاداريه بحضرموت) كلمات هاني دعكيك
الخميس يناير 26, 2017 10:22 pm من طرف هاني دعكيك

» قصيده ( خطة جون كيري) للشاعر هاني دعكيك
الخميس يناير 26, 2017 10:16 pm من طرف هاني دعكيك

» قصيده ( اليمن بين الحرب والهدنه) للشاعر هاني دعكيك
الخميس يناير 26, 2017 10:13 pm من طرف هاني دعكيك

» قصيده( رثى في المرحوم له باذن الله فايز مسلم بن وبر) كلمات هاني دعكيك
الخميس يناير 26, 2017 10:08 pm من طرف هاني دعكيك

» قصيده ( الله يستر شو العروبه تنتحر ) للشاعر هاني دعكيك
الخميس يناير 26, 2017 10:05 pm من طرف هاني دعكيك

» قصيده ( تفجير الصولبان ) للشاعر هاني دعكيك
الخميس يناير 26, 2017 10:02 pm من طرف هاني دعكيك

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 فصل للشاعر ( سالم حسنون )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هاني دعكيك



المساهمات : 173
تاريخ التسجيل : 21/09/2012

مُساهمةموضوع: فصل للشاعر ( سالم حسنون )    الثلاثاء سبتمبر 25, 2012 7:30 am


قصائد منقوله من مجموعه الدان و الشعر الشعبي بوادي حضرموت .
للشعار ( سالم حسنون . حمزه بازمول . هاني دعكيك . علي باوزير . وليد دعكيك . محمد باوزير )

سالم حسنون :
...................

ذا خـــــرج فصــل في سيؤن ياريت ليله
في سمر نجتمعت عنـد البخاري و قيله
بانسى كل همي قال سالم و لحـــزان
في ربوع الطويله ناس ليه وخلان


سالم حسنون :
...................

يومنا في المحبه شف شروعي طويله
مستمع للشواني او دسايس دخيـــله
و ان عطيتــه عطيــه مـا اقتـله بالتمنان
في ربوع الطويله ناس ليه و خلان


حمزه عبدالمولى بازمول بازمول :
......................................

مرحبــا مرحبــا بك عنــد اهــل الطويله
با تحصّـل مــرادك عنــدنــا كل فضيــله
عندنا الخير ظاهر عندنا جـود واحسان
في ربوع الطويله ناس ليه و خلان


سالم حسنون :
...................

با نشد عا صحـــابي و الحصون الدويله
و البسـاتيـن ياكم غصـــن مدني بخيله
ريت باقطـــف ثماره قال سالم ولغصاان
في ربوع الطويله ناس ليه و خلان


سالم حسنون :
...................

ويـن عـامــر محمـد ويـن صــالـح كليله
ما لهم حـس ياحمـزه صحــاب الحليله
قلهم بايجونا او فسح في هــل الــدان
في ربوع الطويله ناس ليه و خلان


هاني دعكيك :
.................

مرحبا مرحبــا تعــــــداد رش المخيـــله
مرحبا عد ما تذكرت ارضــي الاصيــــله
مرحبا عد ممست رعدها فــوق حنــان
في ربوع الطويله ناس ليه و خلان
مـــن يحـــب الوطـــن ما بايبــدل بديـله
مثــل ماحـب وائـــل بنــت عمه الجليله
حبها حب صـادق مش اشاعه و بهتان
في ربوع الطويله ناس ليه و خلان


حمزه عبدالمولى بازمول بازمول :
......................................

موطـــن الانـس و الانغام ماشــي مثيله
من بغى عندنا ذا الحين يدحــق برجــله
لا مراعي جميله وسطها الغيد غــــزلان
في ربوع الطويله ناس ليه و خلان

سالم حسنون :
...................

قال حسنــون ماحــد ذي يراعي خليـله
لي زمــن و المـــدامع فوق خدي هميله
دركـــوا عالمــولع خــاف لامــوت حسران
في ربوع الطويله ناس ليه و خلان


علي سالم باوزير :
......................

مرحبــا مــن كتــب ابيـــات حلـوه جميله
قــــال شــاعــر شــواقه ع بـلاده ثقيــله
يذكــــر الا الوطـن و اوقات قد كان ماكان
في ربوع الطويله ناس ليه و خلان
ان بغيـــت الحقيــقه ريــت باليـــد حيــله
بارجـــع موطنـــي ســاعه بسوم الغليله
خير من عام في مسقط واخرى بعجمان
في ربوع الطويله ناس ليه و خلان


علي سالم باوزير :
......................

فصلكــم زيــن لكـــن بـه كتـــابه هــزيـله
و الخــــطاء في الكتابه من سبب بانبيله
ريت يرجــع يدقــق ما يقــع دوب غلـطان
في ربوع الطويله ناس ليه و خلان


هاني دعكيك :
.................

يوم شلوا على النفط لـــي في المسيله
قال دعكيك كل مخلــــوق يدفــن قتيـــله
و المــدرك يجــي من عند نوّح و سيبــان
في ربوع الطويله ناس ليه و خلان


وليد سالم دعكيك :
........................

كل شي بايقع و الصبر ماشـــي مثيـــله
و العــور قـال شــاعـــر ما يتــــرك صميله
ذا مثــل عنــدنــا شعبي معاني و قيفان
في ربوع الطويله ناس ليه و خلان


محمد باوزير :
...............

قــال شــاعــر بدائـي ريــت باليــد حيـله
غيــرنــا نشتكــي و همــوم قلبــي ثقيله
و المدامع على خدي سبل مثــل معيان
في ربوع الطويله ناس ليه و خلان


سالم حسنون :
...................

ما معــاكــم سلــوبه لـي معــك بوفتيــله
نص عمــرك مضـى و انتـــه تدور وسيــله
ينقضــي العمــر و انتــه بين بزرق وذهبان
في ربوع الطويله ناس ليه و خلان


حمزه عبدالمولى بازمول بازمول :
.......................................

المحــاسب يخـــرّبط ذي السنه في زويله
ذا جــــزاء المفتري يومــه يغالـــط عميــله
قــد صبـــرنـا عليــهم كلــهم زوور بهتـــان
في ربوع الطويله ناس ليه و خلان


علي سالم باوزير :
......................

بايجيــك الفــرج و الخصــم قــرر سحيـــله
يا محمــد صبــر عــادك و عنــكل رجيـــله
و استلب لك سلب يقرح ومتشوف دخان
في ربوع الطويله ناس ليه و خلان


سالم حسنون :
...................

سبرت تنكشـف قصــة عمــر با عسيـــله
حاســب انـه معــه الفين حيـــله و حيـله
و الحقـــايــق معــانــا يهــل بابكـــر تبيـان
في ربوع الطويله ناس ليه و خلان


هاني دعكيك :
..................

عــاد عنـــدي امـل لا قــــام شيخ القبيله
بايقـــــــــرر و بايصــــدر كــــلامه نشيـــله
قال هاني و كل سلطان من بعد سلطان
في ربوع الطويله ناس ليه و خلان


محمد باوزير :
................

لا تلــومــون واحــد عــاش عمــره هميله
و الهبــل يا الهبــل قـل لـه تزوج هبيــــله
ذا كلامــي لكــم و العفــوا لا كنت غلطان
في ربوع الطويله ناس ليه و خلان


حمزه عبدالمولى بازمول بازمول :
.......................................

قد نفــح عــوده الأصــل و عنــبر و هيــله
و الســواقي امتلت و الارض تزغر بسيله
خضّرت لارض منّه و ارتــوى كل بستـــان
في ربوع الطويله ناس ليه و خلان


محمد باوزير :
...............

قــدركـم عنـدنــا غـــالي و غصبا نشيله
فوق راسي و عيني يالقرون الجليــــــله
من يعـــز العــرب عـــــزوه ع طول لزمان
في ربوع الطويله ناس ليه و خلان


سالم حسنون :
...................

باتغــالـط محمد لـي يشــل الثقيـــــــله
و الصــدق ما تحبــه يا عمـــر با نقيــــله
االــذي للـي حيل عنده اساليب و الوان
في ربوع الطويله ناس ليه و خلان


هاني دعكيك :
..................

لا تغــالـــط و لا تنكـــــر صحــاب الفضيله
و السموا و الجـلاله فالسنـــــين الدويله
خاف ربك ترا لـ عـلام عــايب و خــــــوان
في ربوع الطويله ناس ليه و خلان


وليد سالم دعكيك :
........................

نشتكــي نشتكـــي كلــين غالط عميله
و الخيانات ماهي فـي الزمن مستحيله
غير ماشي معي حجــه عليها و برهان
في ربوع الطويله ناس ليه و خلان


حمزه عبدالمولى بازمول بازمول :
.......................................

قــل ســالم امــانه لا تخلــي سبيــــله
في الدفاتر لنا حسبـــات مــره طـــويله
ايش دخّل عيال ابليــس ما بين لاخوان
في ربوع الطويله ناس ليه و خلان


علي سالم باوزير :
......................

مـا تفيــــد الشكاوي في عرب باعقيله
غير شل لك مضلع وانتصب وسط خيله
حيث ماحل بن منوخ مع الشيخ بقشان
في ربوع الطويله ناس ليه و خلان


محمد باوزير :
...............

نستمـع ننتصط و الصدق ماشي مثيله
غيرماحد مصدق لي حصل في الطويله
يوم قتــل عيـــاله كلهــم ذاك للنســان
في ربوع الطويله ناس ليه و خلان


حمزه عبدالمولى بازمول بازمول :
.......................................

يالـوزيـري ترى الاخــلاق اشيــاء جليله
الكـــــرم و الشهامه و الصفات الأصيله
عاد حد يعرف المعروف يا خير انســان
في ربوع الطويله ناس ليه و خلان


علي سالم باوزير :
......................

كل شي قـــد تغير يوم قد فاض كيله
و الكــرم و الشهامه يوم صبحت قتيله
راح عــــز العرب مابين داحس و ذبيان
في ربوع الطويله ناس ليه و خلان


سالم حسنون :
...................

وختمها بالمشفع لي مشى بالقضيله
و الصحــابه و اله لي يحبـــــوا الجميله
مارعد رعد في القبله و مــا حن حنان
في ربوع الطويله ناس ليه و خلان


الرجوع الى أعلى الصفحة اذهب الى الأسفل
 
فصل للشاعر ( سالم حسنون )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الدان و الشعر الشعبي بوادي حضرموت :: اقسام منتدى الدان والشعر :: قسم فصول المساجلات-
انتقل الى: