الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت


منتدى يختص بالدان والشعر الشعبي بوادي حضرموت
 
الرئيسيةالبوابةاليوميةس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» قصيده (ضاقت علي المملكه والشغل ماله قابليه) للشاعر هاني دعكيك
الإثنين فبراير 06, 2017 12:16 am من طرف هاني دعكيك

» قصيدة ( يامن تخاطبني بنبرات العتب ) للشاعر هاني دعكيك
الإثنين فبراير 06, 2017 12:08 am من طرف هاني دعكيك

» قصيده ( خسرت الرهان ) للشاعر هاني دعكيك
الخميس يناير 26, 2017 10:26 pm من طرف هاني دعكيك

» قصيده مشاركه في تخرج طلاب المعهد الوطني للعلوم الاداريه بحضرموت) كلمات هاني دعكيك
الخميس يناير 26, 2017 10:22 pm من طرف هاني دعكيك

» قصيده ( خطة جون كيري) للشاعر هاني دعكيك
الخميس يناير 26, 2017 10:16 pm من طرف هاني دعكيك

» قصيده ( اليمن بين الحرب والهدنه) للشاعر هاني دعكيك
الخميس يناير 26, 2017 10:13 pm من طرف هاني دعكيك

» قصيده( رثى في المرحوم له باذن الله فايز مسلم بن وبر) كلمات هاني دعكيك
الخميس يناير 26, 2017 10:08 pm من طرف هاني دعكيك

» قصيده ( الله يستر شو العروبه تنتحر ) للشاعر هاني دعكيك
الخميس يناير 26, 2017 10:05 pm من طرف هاني دعكيك

» قصيده ( تفجير الصولبان ) للشاعر هاني دعكيك
الخميس يناير 26, 2017 10:02 pm من طرف هاني دعكيك

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 فصل للمساجلات ( هاني دعكيك . سالم حسنون . حمزه بازمول . خميس بن هلابي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هاني دعكيك



المساهمات : 173
تاريخ التسجيل : 21/09/2012

مُساهمةموضوع: فصل للمساجلات ( هاني دعكيك . سالم حسنون . حمزه بازمول . خميس بن هلابي    الجمعة سبتمبر 21, 2012 11:34 pm

قصائد منقوله من فصل جديد سويناه الليله الخميس 20 / 09 / 2012 م
في مجموعه الدان و الشعر الشعبي بوادي حضرموت

بمشاركه كلن من/ هاني دعكيك و حمزه بازمول و خميس بن هلابي و سالم حسنون

نرجوا ان ينال اعجابكم


هاني دعكيك :
....................

ذا فصل في العشقه اموري معـــاكيه
و لعاد شي بـي فيد مــن بعـد العتب
لا جيت با عاتبـــه ميفيــد العتـــــــاب
يا زين طولت الغياب


هاني دعكيك :
....................

اعطف بوصــــلك في السنــين التاليه
انك محــب ما زلــت يا عـالي الـرتــب
ماقد بدى مخلوق في عشقته تــــاب
يا زين طولت الغياب


سالم حسنون :
......................

قــولــوا لبن دعكيك نفسي ســــاليه
و العشـق في قلبي حروفه تنكتــــب
دونت له في وسط احشائي كتـــــاب
يا زين طولت الغياب


هاني دعكيك :
....................

قد كنت مثلك في السنين المـــاضيه
لا قــد طلب صـــاحبي نا قله وجــــب
لجله و فــي شـانه تعلمت الجـــــواب
يا زين طولت الغياب


هاني دعكيك :
....................

كانت حياتي فـي وجــــوده راضيــــه
و اليــوم يا حسنـــون مبلـــي بالتعـب
لانه قســي قلبـه وفي عشقتي عاب
يا زين طولت الغياب


سالم حسنون :
......................

عشقـــي انا للبــدوا واهــل البــاديه
لكن مصيبه ما وقـــــع لــــي احتسب
و الحب يا هاني يضيــــع بالحســــاب
يا زين طولت الغياب


هاني دعكيك :
....................

يا عاشقين البدوا هل شــــي ناهيـه
و لا كلف هاجسـي يدخـــــل لا حبب
ما دام هــو فـي الـزيــن متولع و حاب
يا زين طولت الغياب


سالم حسنون :
.....................

ما همنـي مـــــن لـي انا با لاقيــــــه
في جبر محبــوبــي و لـو ما قـد طلب
عنـدي وصاله قـال بو هاشـــم طـلاب
يا زين طولت الغياب


هاني دعكيك :
....................

فزعــان لا يجرفــك سيــــــل الساقيه
قــولــوا لـ بو هاشم توقـــع لا تخــــب
لاني انا جربت كـــم مخلـــوق خـــاب
يا زين طولت الغياب


هاني دعكيك :
....................

ما بـاك تلعـب ع الخيـــــــــوط البــاليه
احــذر تحـذر عــــاد من اهل السبــب
لي هم يسيروا قال هاني ع الســراب
يا زين طولت الغياب


سالم حسنون :
......................

با سير له حتــى رجيـلـي حـــــافيــه
و با عبر في الخوف لو ماشي سلـــب
ما دامنـي بلقــاه مبغيــت الســـــلاب
يا زين طولت الغياب


هاني دعكيك :
....................

يا صــاحبـي بنصحــك دنيــــــا فـــانيه
خـــذ بالنصيحه قبل ما يجيــــك الجرب
و لا يبــان الهــــام لـي وســـط الجراب
يا زين طولت الغياب


حمزه عبدالمولى بازمول بازمول :
..............................................

يا عشــق فـي قلبـــــي قصـوره عاليه
يوم الوفــاء طبعــــي شعاري و السلب
و الجــبر مـن سـابق تسلبته ســـلاب
يا زين طولت الغياب


سالم حسنون :
......................

لا رحـــــت لـه با حــوز اشيــاء غـــاليه
ايش الــدرر يا خـوك عنــده و الـذهـــب
بوصلـــهم يا خــوك مهمـــرت الذهــاب
يا زين طولت الغياب


هاني دعكيك :
....................

اانست يا شــاعــر شــروعك وافيـــــه
لا قــد كتب موضــوع يضبــط لا كتـــب
عــادات له من قبــــل يقـــراء بالكتــاب
يا زين طولت الغياب


هاني دعكيك :
....................

للعشــق يا حمــزه مياســم لاضيــــه
ياكم وكم وقعت شفني فـــي اللهــب
دائم نعــاني في مجيــي و الذهـــــاب
يا زين طولت الغياب


سالم حسنون :
......................

شف نظرته لـ صـــواب سالم شــــافيه
محتــاج مـــن بعــده لـ كشــاف الطبب
و العيش و المشــروب في قــربه يطاب
يا زين طولت الغياب


هاني دعكيك :
....................

من هرجكــم حــاجــات بانـت خــــافيه
فــزعان لا تكلمت وقـــــع في مطــــب
و لا يجــي مخلــــــــوق يطلبني طلاب
يا زين طولت الغياب


سالم حسنون :
......................

يا مــا من اسبـــــــابه عيــونـــي باكيه
ما نمــت من فرقاه و عيــوني تصــــــب
و تضيــع المعقــول منـه و الصـــــــــواب
يا زين طولت الغياب


هاني دعكيك :
....................

و نـا مثيــلك في نكــــــــد و مشـــاكيه
و الحــَـب فــي جـربتــه عاده ما انصرب
يا ريتني موجــوده سعفه في الصـــراب
يا زين طولت الغياب


حمزه عبدالمولى بازمول بازمول :
.............................................

النـــور فــي عينــه ظهــر و النــــــاصيه
مزيـــون فــي طبـعه لـطافـة و النســب
مــن دار زينـــه عــزيزه فـي النســـــاب
يا زين طولت الغياب


سالم حسنون :
......................

ما دام نفســك يا حبيبــــي راضيــــــــه
اللي زعــل قلــه مــن المــالــح شــرب
و نـا يطيب العيش عندك و الشـــــــراب
يا زين طولت الغياب


هاني دعكيك :
....................

مـن نـــــور عينـه قـل لـ حمـــزه باقيــه
حاجات في خاطــــــري شفها والحجب
من شخص قد عدى علي ملقي حجاب
يا زين طولت الغياب


حمزه عبدالمولى بازمول بازمول :
.............................................

شف قهــوة السكــر دوامــــا حــــــاليه
و الطعــم في قهــوته شفتــه احتجــب
عينـــي طــويــله فـــيش يـأم الحجــاب
يا زين طولت الغياب


هاني دعكيك :
....................

كل مــن شــرب مـن كاس شربه هانيه
بيقــول لا يا نجــم ســامــر لا تغـــــرب
خــلك مضــي و الصقـر ينقف ع الغــراب
يا زين طولت الغياب


سالم حسنون :
......................

فــي و سـط قلبــي له مشـاعـر باقيه
قد خضــرت و العيـش له فيــها رغـــب
و اجــن لا قــد راح عـن عينــي و غاب
يا زين طولت الغياب


خميس بن هلابي :
...........................

مــزيــون و اوصــافـه طبــاعه وافيــــه
ماشفــت نا مثــله فــي بـلاد العــرب
شيــب براســي و نا عـادنــي شباب
يازين طولت الغياب


هاني دعكيك :
....................

اوصـاف خــلك فـي الحقيـقه كــــافيه
انك تخلــي الـدم يوصــل للـركـــــــب
يا بن هـلابـي لا تتـرك فـي الـركــــاب
يا زين طولت الغياب


سالم حسنون :
......................

عنــدي سلــب شـفها حبال الساعيه
و انتــه تـدور للمشـقه و التعـــــــــب
ماحــد في الاحبــاب يا دعكيـــك عاب
يا زين طولت الغياب


هاني دعكيك :
....................

لا معــك سلــب لازم تضــوي الراعـيه
لي هــي فـي الوادي تكسر فالحطب
و تقول لي ارعــى ببهمي فالحــطاب
يا زين طولت الغياب


هاني دعكيك :
....................

و بعــض العــرب نيتــه ماهــي صافيه
قــولــوا لـ حمــزه كل اصحــــابه كذب
ذا ويش من عشقه تربت ع الكــــذاب
يا زين طولت الغياب


سالم حسنون :
......................

بعيــون قلبــي شفتــهم لـي خـافيه
لـ تقــول لي كــذاب ما حــــب الكذب
من حــب ما يكــذب و لايحـب الكذاب
يا زين طولت الغياب




حمزه عبدالمولى بازمول بازمول :
.............................................

حجتــــــك يادعكيـــك حجــه واهيــه
كثّرت في العشقة كلامك و الخطـــب
كنّك سمــع و افقه كلامــي والخطاب
يا زين طولت الغياب


هاني دعكيك :
....................

و ختــامــها بالمسك ياهــل الساعيه
صلـوا على المختار عد ما شعب صب
و عـــداد كل مخطي رجع لي للصواب
يا زين طولت الغياب —

الرجوع الى أعلى الصفحة اذهب الى الأسفل
علي سالم باوزير



المساهمات : 6
تاريخ التسجيل : 22/09/2012

مُساهمةموضوع: ابدعتم اخواني    السبت سبتمبر 22, 2012 6:20 am

صح الله السنتكم اخواني الشعار
الرجوع الى أعلى الصفحة اذهب الى الأسفل
 
فصل للمساجلات ( هاني دعكيك . سالم حسنون . حمزه بازمول . خميس بن هلابي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الدان و الشعر الشعبي بوادي حضرموت :: اقسام منتدى الدان والشعر :: قسم فصول المساجلات-
انتقل الى: