الدان و الشعر الشعبي بوادي حضرموت
مرحباً بكم في منتدى الدان والشعر الشعبي بوادي حضرموت


منتدى يختص بالدان والشعر الشعبي بوادي حضرموت
 
الرئيسيةالبوابةاليوميةس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» قصيده (ضاقت علي المملكه والشغل ماله قابليه) للشاعر هاني دعكيك
الإثنين فبراير 06, 2017 12:16 am من طرف هاني دعكيك

» قصيدة ( يامن تخاطبني بنبرات العتب ) للشاعر هاني دعكيك
الإثنين فبراير 06, 2017 12:08 am من طرف هاني دعكيك

» قصيده ( خسرت الرهان ) للشاعر هاني دعكيك
الخميس يناير 26, 2017 10:26 pm من طرف هاني دعكيك

» قصيده مشاركه في تخرج طلاب المعهد الوطني للعلوم الاداريه بحضرموت) كلمات هاني دعكيك
الخميس يناير 26, 2017 10:22 pm من طرف هاني دعكيك

» قصيده ( خطة جون كيري) للشاعر هاني دعكيك
الخميس يناير 26, 2017 10:16 pm من طرف هاني دعكيك

» قصيده ( اليمن بين الحرب والهدنه) للشاعر هاني دعكيك
الخميس يناير 26, 2017 10:13 pm من طرف هاني دعكيك

» قصيده( رثى في المرحوم له باذن الله فايز مسلم بن وبر) كلمات هاني دعكيك
الخميس يناير 26, 2017 10:08 pm من طرف هاني دعكيك

» قصيده ( الله يستر شو العروبه تنتحر ) للشاعر هاني دعكيك
الخميس يناير 26, 2017 10:05 pm من طرف هاني دعكيك

» قصيده ( تفجير الصولبان ) للشاعر هاني دعكيك
الخميس يناير 26, 2017 10:02 pm من طرف هاني دعكيك

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 بدع و جواب بمناسبة سفر هاني دعكيك من البلاد ( قصايد من القلب الى القلب )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
هاني دعكيك



المساهمات : 173
تاريخ التسجيل : 21/09/2012

مُساهمةموضوع: بدع و جواب بمناسبة سفر هاني دعكيك من البلاد ( قصايد من القلب الى القلب )   الثلاثاء نوفمبر 11, 2014 12:47 am

بدع محمد قصعان و جواب هاني دعكيك و تعقيب ابو هاني الكثيري و الوالد سالمين دعكيك و حسن بن سويدان

بمناسبه السفر الى الرياض

بدع : محمد قصعان

ريتها بالخير ما بغيت هاني يسافر
من بلاده ويترك من يحبه لحاله

نارفي الجوف شبت يارقاق المشاعر
يوم قالو عزم هاني و حمل جماله

حسرت الدان ع مولى السلا و المسامر
ذيك لصوات لي يضرب عليها مثاله

كم وكم صوت مثل القرع لي في المناقر
لا سمعها تغناء قام خيل خياله

ليه يالوقت قاسي ع بعير الدواسر
من مراعيه تنكع به و جنت جباله

والتراب اليماني لي كما المسك نادر
و الدقام الذي ترتع عليها غزاله

من بلد بالرخاء والانس وإلطيب عامر
لا بلد ما تحصل فيه حتى الكفاله


جواب : هاني دعكيك

مرحبا بالذي قوله مثيل الجواهر
يوم شاف الخبر ارسل بسرعه رساله

سال دمعي وانا اقرآ كﻻمه و ناظر
مثل وادي الغبر ﻻ السيل ديع سباله

اغصبوني على الهجران ما بغيت هاجر
بعد ما عمنا كثف علي اتصاله

قالي ﻻ متى التاخير يا وعل كابر
العمل عندنا واقف فيين العماله

قلت يوم اﻻحد باسير و الدمع ماطر
من عيوني و حالي خس ياعم حاله

با نفارق مغني الدان مع كم شاعر
والجماهير ذي هي كل حد في مجاله

وبا نفارق حبايب قدرهم في الضماير
من يفارق حبيبه شوف خصمه رثى له

وبا نفارق محل للان بي صوب نافر
من فراقه و كل ماصار لي في قباله

يا محمد فراقك مثل طعن الخناجر
انت لي معزتك ما با نبدل بداله

اطلب العفو منك كان قد جاك قاصر
مننا و السموحه يا زعيم اﻻصاله


تعقيب : ابوهاني الكثيري


مرحبا قول قاله نجم عالي وزاهر
ورسله لارفيق الدرب هاني الاصاله

يحتسر ع فراق الدان وقوال شاعر
لافرت قول يطلع من خيار المقاله

باشهد ان القوافي من حروفه تفاخر
بايعد القوافي ياعرب راس ماله

يوم بدره بقلبه غصب عنه يسافر
شوف يمناه تفحس دايما ع شماله

الظروف الصعيبه سيف عالناس باتر
خلت الجيد يرضى من صغير كفاله

يامحمد تريض صاحبك بايغادر
بايغادر ورب الكون يعلم بحاله

لو بيده خياره كان في العزم خاير
ماترك اهل بدره. لي تربي عياله



تعقيب: الوالد سالمين دعكيك

بانودعك يا هاني اذا انته مغادر
و اطلب الله بالتوفيق لك و الجماله

بانودعك و دموعي على الخد ماطر
مثل غيث الشتاء ﻻ رعد وعطت سباله

ريتها بالخير و العيش في لرض سابر
ما نفارقك لو با يكرموني صﻻله


تعقيب: حسن بن سويدان

عانك الله يالي من بلادك مغادر
وكل الله و رزقك بايجي بسهاله

سرت قبلك ودمع العين عالخد ماطر
حالتي ما تسر انسان يا خس حاله

كل واحد مسافر بوجهه الحزن ضاهر
بس صابر على على عزه ولقمة عياله
الرجوع الى أعلى الصفحة اذهب الى الأسفل
 
بدع و جواب بمناسبة سفر هاني دعكيك من البلاد ( قصايد من القلب الى القلب )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الدان و الشعر الشعبي بوادي حضرموت :: اقسام منتدى الدان والشعر :: قسم فصول المساجلات-
انتقل الى: